2024-08-28 13:34:25, 411 ნახვა
მსოფლიო
რადოსლავ სიკორსკი - არჩევნებში დონალდ ტრამპის შესაძლო გამარჯვება „შავ-თეთრად“ არ უნდა იყოს აღქმული
პოლონეთის საგარეო საქმეთა მინისტრი რადოსლავ სიკორსკი დონალდ ტრამპის შესაძლო გამარჯვებასთან დაკავშირებით აცხადებს, რომ ვითარება “შავ-თეთრად“ არ უნდა იყოს აღქმული. ამის შესახებ ინფორმაციას უკრაინული მედია ავრცელებს.
მისი თქმით, პოლონეთმა უნდა გააგრძელოს ამერიკის ადმინისტრაციასთან მუშაობა, განურჩევლად იმისა, ვინ გახდება ქვეყნის პრეზიდენტი.
სიკორსკიმ უკრაინის დახმარების საკითხზე აღნიშნა, რომ წარმოდგენა არ აქვთ, რას გააკეთებს ტრამპი გამარჯვების შემთხვევაში.
“ორივე პარტიასთან გვაქვს სხვადასხვა ტიპის მოლაპარაკებები. დემოკრატებთან უფრო მეტად ღირებულებებზე, რესპუბლიკელებთან მკაცრ ბიზნესზე“,- განაცხადა სიკორსკიმ.
ავტორი: ექსპრესნიუსი,
epn.ge (@expressnews.ge)
