ამერიკის შეერთებული შტატების ყოფილმა პრეზიდენტმა, ბარაკ ობამამ და ყოფილმა პირველმა ლედიმ, მიშელ ობამამ ვიცე-პრეზიდენტ კამალა ჰარისის საპრეზიდენტო კანდიდატურას მხარი დაუჭირეს. ამის შესახებ ინფორმაციას CNN ავრცელებს.

CNN-ის ცნობით, კამალა ჰარისმა ობამას მხარდაჭერისა და ათწლეულების მანძილზე გაწეული მეგობრობისთვის მადლობა გადაუხადა.

“მე და მიშელი ყველაფერს გავაკეთებთ იმისთვის, რომ ამ არჩევნებში გადახვიდეთ და ოვალურ კაბინეტში მოხვდეთ“,- უთხრა ყოფილმა პრეზიდენტმა, ბარაკ ობამამ კამალა ჰარისს სატელეფონო საუბრისას.

ყოფილმა პირველმა ლედიმ თქვა, რომ ამაყობს ჰარისით და მოელის, რომ მომავალი არჩევნები ისტორიული იქნება.

“არ შემიძლია, ამ სატელეფონო ზარის განხორციელება ისე, რომ ჩემს გოგოს, კამალას არ ვუთხრა, ვამაყობ შენით. ეს ისტორიული იქნება“,- უთხრა მან ჰარისს.

ერთობლივ განცხადებაში, რომლითაც ობამა სრულ მხარდაჭერას უცხადებს კამალა ჰარისის საპრეზიდენტო კანდიდატურას, მან ჰარისის მიღწევებზე ისაუბრა და თქვა:

“ჰარისს აქვს ხედვა, ხასიათი და ძალა, რასაც ეს კრიტიკული მომენტი მოითხოვს. ეჭვგარეშეა, რომ კამალა ჰარისს აქვს ზუსტად ის, რაც ამ არჩევნების მოსაგებად და ამერიკელი ხალხისთვის არის საჭირო“,- აღნიშნა ობამამ.

ავტორი: ექსპრესნიუსი,

სოციალური ქსელები

ვენესუელაში მიწისძვრის შედეგად დაღუპულთა რიცხვი 1430-მდე გაიზარდა

ALGORITHM WATCH:შსს-მ სახის ამომცნობი კამერები მოსკოვში დაფუძნებული კომპანიისგან შეისყიდა

პატარიძე ხოშტარიაზე: ექიმის დასკვნის გარეშე ბრიფინგებით საუბარი "აბსურდის თეატრია"

მზადება ახალი თავგადასავლისთვის - თიბისის მობაილბანკში მასშტაბური მარათონი ბრუნდება