ესპანეთთან შეხვედრამდე გამართულ პრესკონფერენციაზე, ჟურნალისტების კითხვებს საქართველოს ნაკრების მეკარემ, გიორგი მამარდაშვილმა უპასუხა და მოახლოებულ მატჩთან დაკავშირებულ მოლოდინებზე ისაუბრა.

„ვთქვი, რომ კვარაცხელია ყველა ესპანელზე უკეთესია. ეს იმას არ ნიშნავს, რომ ესპანელებს პატივს არ ვცემ, ისინი ტურნირზე ერთ-ერთი საუკეთესოები არიან, მაგრამ როგორც რიგითი ქართველი, მე ხვიჩას გულშემატკივარი ვარ, მიმაჩნია, რომ მსოფლიოში ერთ-ერთი საუკეთესო მოთამაშეა და „ოქროს ბურთის“ მოგება შეუძლია.

ხვალინდელ შეხვედრას რაც შეეხება, რთულ თამაშს ველოდებით. ვფიქრობ, ესპანეთი თავის სტილს არ უღალატებს, გახსნილ ფეხბურთს ითამაშებს და შემოგვიტევს. ჩვენ კი ისევე უნდა ვითამაშოთ, როგორც პორტუგალიასთან – დაცვაში უშეცდომოდ და კონტრშეტევაზე – მწვავედ. თუმცა დაცვიდან თამაში არ ნიშნავს, რომ შეტევაში სახიფათოები არ ვიქნებით.

რაც შეეხება ნაჩოს ნათქვამს, რომ ესპანელები ბევრ გოლს გამიტანენ, ვნახოთ, ამას როგორი წარმატებით მოახერხებენ. თუ დაინიშნება პენალტების სერია? მატჩამდე მეტოქის ფეხბურთელებს ვსწავლობ, ასე რომ, ამ მატჩშიც ყველაფრისთვის მზად ვიქნები“.

ევრო 2024-ის მერვედფინალში საქართველოსა და ესპანეთის ნაკრების შეხვედრა კიოლნში 30 ივნისს, თბილისის დროით 23:00 საათზე დაიწყება. მატჩის პირადაპირ რეპორტაჟს საქართველოს პირველი არხი, პირველი არხი სპორტი და საქართველოს რადიო შემოგთვაზებთ.

ავტორი: ექსპრესნიუსი,

სოციალური ქსელები

დაკარგული შანსი საქართველოსთვის - უკრაინამ და მოლდოვამ ევროკავშირში გაწევრიანების პირველი კლასტერი გახსნეს

ევროპის საბჭოს მინისტრთა კომიტეტი საქართველოს ხელისუფლებას კანონმდებლობის გადახედვისკენ მოუწოდებს

შსს პოლიციელების მიერ ჩადენილ ძალადობის ფაქტებს ადასტურებს

კრიტიკის ცეცხლში მოყოლილი ისტორიაში ყველაზე ძვირადღირებული მსოფლიო ჩემპიონატი ფეხბურთში