საქართველოს პრემიერმინისტრმა გიორგი კვირიკაშვილმა ბრიუსელში ვიზიტი შეაჯამა. როგორც კვირიკაშვილმა მთავრობის სხდომაზე განაცხადა, ევროკავშირი საქართველოს ძალიან გულშემატკივრობს.

„ძალიან საჭირო ვიზიტი იყო. ჩვენ ნამდვილად შეგვიძლია ვთქვათ, რომ ევროკავშირი და ამ შემთხვევაში ევროკომისია ძალიან გულშემატკივრობს საქართველოს. ევროკომისიას მივაწოდეთ აბსოლუტურად ამომწურავი ინფრომაცია საქართველოში მიმდინარე პროცესების შესახებ. ასოცირების დღის წესრიგიდან გამომდინარე რეფორმების მიმდინარეობის შესახებ და მართლაც და საჭირო დისკუსია და განხილვები იყო და დროული იყო ეს ვიზიტი. ჩვენ ასევე მივიტანეთ ის გზავნილი, თუ რაოდენ მნიშვნელოვანია საქართველოსთვის ვიზალიბერალიზაციის წარმატებით დასრულება. ამის თაობაზე გვქონდა დეტალური საუბარი როგორც ევროკავშირის პრეზიდენტთან დონალდ ტუსკთან, ასევე, ევროკომისიის პრეზიდენტ იუნკერთან და ევროკომისრებთან, კომისარ ჰანთან და ძალიან მნიშვნელოვანი განხილვები იყო ასევე კომისარ დიმიტრის ავრამოპულოსთან, ასევე ენერგეტიკის და სხვა მიმართულებით კომისრებთან გვქონდა შეხვედრები. ერთი რამ შეიძლება ითქვას, ჩვენ დავტოვეთ შეხვედრები იმ განწყობით და ნამდვილად დავტოვეთ ის შეგრძება, რომ საქართველოში რეფორმები რომლებიც ასოცირების დღის წესრიგიდან გამომდინარეობს, სრული კურსით ხორციელდება და ნამდვილად არავითარი შეფერხებები არ შეიძლება შეექმნას ამ რეფორმებს”,-განაცხადა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ

თუ სიჩქარის მცირედი გადაჭარბება იქნება, მძღოლი 50 ლარით დაჯარიმდება, ჯარიმები გაიზრდება - დარახველიძე

საქართველოში შექმნილია სასათბურე პირობები ირანის ტერორისტული რეჟიმის ქსელისთვის – დროა