მადლობელი ვარ ყველა ამერიკელი სენატორის, რომლებმაც მხარი დაუჭირეს უკრაინის დახმარებას თავისუფლებისთვის, დემოკრატიისთვის და ღირებულებებისთვის, რომლებიც ჩვენთვის ძალიან მნიშვნელოვანია, - ასე ეხმაურება უკრაინის პრეზიდენტი ვოლოდიმირ ზელენსკი ამერიკის შეერთებული შტატების სენატის გადაწყვეტილებას.

ზელენსკის თქმით, ამერიკული დახმარება უკრაინას სამართლიან მშვიდობას მოუტანს და აღადგენს გლობალურ სტაბილურობას, რაც "ხელს შეუწყობს უფრო მეტ უსაფრთხოებასა და კეთილდღეობას ყველა ამერიკელისთვის და თავისუფალი სამყაროსთვის".

"მადლობელი ვარ ჩაკ შუმერის, მიჩ მაკკონელისა და ყველა ამერიკელი სენატორის, რომლებმაც მხარი დაუჭირეს უკრაინის დახმარებას თავისუფლებისთვის, დემოკრატიისთვის და ღირებულებებისთვის, რომლებიც ჩვენთვის ძალიან მნიშვნელოვანია.

უკრაინაში აშშ-ის შემდგომი დახმარება საშუალებას გვაძლევს, გადავარჩინოთ ადამიანების სიცოცხლე რუსული ტერორისგან. ეს ნიშნავს, რომ ჩვენს ქალაქებში ცხოვრება გაგრძელდება და ომი დასრულდება.

ამერიკული დახმარება უკრაინას სამართლიან მშვიდობას მოუტანს და აღადგენს გლობალურ სტაბილურობას, რაც ხელს შეუწყობს უფრო მეტ უსაფრთხოებასა და კეთილდღეობას ყველა ამერიკელისა და თავისუფალი სამყაროსთვის", - წერს ზელენსკი X-ზე (ყოფილ Twitter-ზე).

ცნობისთვის, ამერიკის შეერთებული შტატების სენატმა უკრაინის დაფინანსების კანონპროექტს მხარი დაუჭირა.

დახმარების პაკეტი უკრაინისთვის, ისრაელისთვის და ტაივანისთვის 95,3 მილიარდი დოლარის გამოყოფას ითვალისწინებს, საიდანაც უკრაინისთვის 60 მილიარდი დოლარი, ისრაელისთვის 14 მილიარდი, ღაზას, უკრაინისა და დასავლეთ სანაპიროს ჰუმანიტარული დახმარებისთვის 9 მილიარდი და ინდო-წყნარი ოკეანის რეგიონის მოკავშირეების მხარდასაჭერად 4,8 მილიარდი დოლარი გამოიყოფა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს