2024-02-02 10:56:06, 977 ნახვა
მსოფლიო
ფაშინიანი - რუსეთი არ შეიძლება იყოს სომხეთის მთავარი სამხედრო პარტნიორი
ადრე, ჩვენი ურთიერთობების 95-97 პროცენტს რუსეთის ფედერაციასთან ურთიერთობა შეადგენდა, მაგრამ ახლა ეს არ შეიძლება მოხდეს როგორც ობიექტური, ასევე სუბიექტური მიზეზების გამო, - ამის შესახებ სომხეთის პრემიერ-მინისტრმა, ნიკოლ ფაშინიანმა განაცხადა.
ფაშინიანის თქმით, ახლა ერევანმა უნდა გაიგოს, ვისთან შეიძლება ჰქონდეს სამხედრო-ტექნიკური და თავდაცვითი ურთიერთობა.
"უნდა გავიგოთ, ვისთან შეიძლება რეალურად შევინარჩუნოთ სამხედრო-ტექნიკური და თავდაცვითი ურთიერთობები. ადრე, ეს პრობლემა მარტივი იყო, რადგან ასეთი კითხვა არ არსებობდა და არ იყო სირთულე კონცეფციის შედგენაში. ადრე, ჩვენი ურთიერთობების 95-97 პროცენტს რუსეთის ფედერაციასთან ურთიერთობა შეადგენდა, მაგრამ ახლა ეს არ შეიძლება მოხდეს როგორც ობიექტური, ასევე სუბიექტური მიზეზების გამო", - განაცხადა ფაშინიანმა.
ავტორი: ექსპრესნიუსი,
epn.ge (@expressnews.ge)
