2024-01-12 19:36:19, 617 ნახვა

---

ნატო - ამერიკელი და ბრიტანელი სამხედროების მიერ იემენში „ჰუსიტების“ სამიზნეების წინააღმდეგ დარტყმები თავდაცვითი ხასიათის იყო

ამერიკელი და ბრიტანელი სამხედროების მიერ იემენში ჰუსიტების სამიზნეების წინააღმდეგ დარტყმები თავდაცვითი ხასიათის იყო და მიზნად ისახავდა ნაოსნობის თავისუფლების შენარჩუნებას, - Reuters-ის ინფორმაციით ამის შესახებ ნატოს ოფიციალურმა წარმომადგენელმა განაცხადა.

როგორც ნატოს წარმომადგენელმა აღნიშნა, ირანი "ჰუსიტებს" მხარს უჭერს და აღჭურვილობით ამარაგებს.

"ირანი მხარს უჭერს "ჰუსიტებს", მათ ამარაგებს და აღჭურვილობას აწვდის. თეირანს განსაკუთრებული პასუხისმგებლობა ეკისრება თავისი მარიონეტების შეკავებაზე", - განაცხადა ნატოს ოფიციალურმა წარმომადგენელმა.

ცნობისთვის, ამერიკის შეერთებულმა შტატებმა და დიდმა ბრიტანეთმა იემენში, „ჰუსიტების“ წინააღმდეგ საჰაერო დარტყმები განახორციელეს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი