აშშ-ის სენატმა უკრაინისა და ისრაელის დახმარების შესახებ კანონპროექტი დაბლოკა

2023-12-07 08:49:53, 710 ნახვა

მსოფლიო

ამერიკის შეერთებული შტატების სენატმა უკრაინის, ისრაელისა და ტაივანის დაფინანსების შესახებ კანონპროექტის კენჭისყრა დაბლოკა. აღნიშნულის შესახებ ინფორმაციას Reuters-ი ავრცელებს.

Reuters-ის ცნობით, კანონპროექტმა სენატში გამართული პროცედურული კენჭისყრის დროს წინსვლისთვის საკმარისი ხმები ვერ მიიღო.

"კანონპროექტის მიღებისთვის 60 სენატორის ხმა იყო საჭირო. კანონპროექტს მხარი 51-მა სენატორმა დაუჭირა, წინააღმდეგი კი 49 წავიდა.

კანონპროექტის წინააღმდეგ ხმა ყველა „რესპუბლიკელმა“ სენატორმა და დამოუკიდებელმა სენატორმა, ბერნი სანდერსმა მისცა", - წერს გამოცემა.

გამოცემის ცნობითვე, კანონპროექტი 106 მილიარდი აშშ დოლარის ოდენობის დაფინანსების გამოყოფას ითვალისწინებდა, საიდანაც 61 მილიარდი უკრაინის დახმარებისთვის იყო განკუთვნილი.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,