რუსეთის დუმაში შევიდა კანონპროექტი, რომელიც ითვალისწინებს ფინანსური წახალისების შემოღებას დსთ-ს რიგი ქვეყნების მიმართულებებზე სპეციალიზებული ტურ-ოპერატორებისთვის. აღნიშნულის შესახებ ინფორმაციას რუსეთის ფედერაციის სოციალურ-პოლიტიკური გამოცემა Парламентская газета ავრცელებს.

Парламентская газета-ს ცნობით, დოკუმენტი რუსეთის დუმის ელექტრონულ ბაზაზე უკვე ატვირთულია და ისეთი ტურისტული პორტალები, როგორიცაა TourDom.ru და Profi.Travel ირწმუნებიან, რომ "მეგობრული ქვეყნების" სია რუსეთის ეკონომიკური განვითარების სამინისტროსთან უკვე შეთანხმებულია და მასში დსთ-ს წევრ ქვეყნებთან ერთად, საქართველოც შედის.

"მეგობრული ქვეყნების" სია ასე გამოიყურება: ბელარუსი, ყაზახეთი, უზბეკეთი, ყირგიზეთი, სომხეთი, მოლდოვა, ტაჯიკეთი, თურქმენეთი და საქართველო. ამავე სიაში შეტანილია დროებით ოკუპირებული აფხაზეთისა და ცხინვალის რეგიონები. 

გამოცემა წერს, რომ კანონი, სავარაუდოდ, ძალაში 2024 წლის 1-ელ აპრილს შევა.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს