ამერიკის შეერთებული შტატების წარმომადგენელთა პალატამ „რესპუბლიკელი“ დეპუტატი ჯორჯ სანტოსი კონგრესიდან გარიცხა. აღნიშნულის შესახებ ინფორმაციას CNN-ი ავრცელებს.

CNN-ის ცნობით, კენჭისყრას 311-მა კონგრესმენმა 114-ის წინააღმდეგ დაუჭირა მხარი.

გამოცემის ცნობითვე,  2023 წლის მაისში, ჯორჯ სანტოსს ბრალი თაღლითობაში, ფულის გათეთრებასა და საჯარო სახსრების მითვისებაში წაუყენეს. ამასთან, მას წარმომადგენელთა პალატაში ცრუ განცხადებების გაკეთებაშიც ადანაშაულებენ. თუმცა, სანტოსი თავს უდანაშაულოდ ცნობს.

CNN-ის ცნობითვე, ნიუ იორკელი სანტოსი მეექვსე ადამიანია კონგრესის ისტორიაში, რომელიც წარმომადგენელთა პალატიდან გარიცხეს.

ცნობისთვის, ჯორჯ სანტოსი კონგრესში 2022 წლის ნოემბრის შუალედური არჩევნების შედეგად აირჩიეს. 

კონგრესმენის მანდატის მიღების შემდეგ ამერიკულ მედიაში გავრცელდა ცნობები, რომ სანტოსმა ბიოგრაფიის ნაწილი გააყალბა. კერძოდ, მას განათლებისა და სამუშაო გამოცდილების შესახებ მოცემულ ინფორმაციაში ედავებოდნენ. ასევე, კამპანიის დაფინანსების წესების დარღვევაში.

ამასთან, პროკურატურის განცხადებით, საარჩევნო კამპანიის დაფინანსებისთვის მიღებულ თანხებს ის პირადი მიზნებისთვის ხარჯავდა. 

სანტოსმა აღიარა, რომ თავისი რეზიუმე "შეალამაზა," თუმცა თანხების მითვისებასა და სხვა დანაშაულებს უარყოფდა.

ავტორი: ექსპრესნიუსი,

სოციალური ქსელები

უკრაინული რაკეტები ამჟამად რუსეთის რეგიონების ნახევარზე მეტს აღწევენ

Bloomberg: რუსეთის უმდიდრესი ადამიანების ქონება წლის დასაწყისიდან 4.82 მილიარდი დოლარით გაიზარდა

თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ