2023-11-24 23:18:06, 1492 ნახვა
ომი უკრაინაში
დანია 2027 წლამდე უკრაინის დახმარებას 3 მილიარდი ევროთი გაზრდის
დანიის მთავრობა და საპარლამენტო უმრავლესობა შეთანხმდა დამატებითი დაფინანსების შესახებ ფონდისთვის, რომელიც უკრაინის მხარდაჭერას აფინანსებს. ამის შესახებ ინფორმაციას "უკრაინსკაია პრავდა" დანიის თავდაცვის სამინისტროზე დაყრდნობით ავრცელებს.
მათივე ინფორმაციით, დანია 2027 წლამდე უკრაინის დახმარებას 3 მილიარდი ევროთი გაზრდის.
"დანია უკრაინის ერთგული მხარდამჭერია და ახლა, როდესაც ჩვენ ამ მხარდაჭერას ვაძლიერებთ, ამით მკაფიო სიგნალს ვაგზავნით, რომ უკრაინელებს შეუძლიათ დანიის მხარდაჭერის იმედი ჰქონდეთ გრძელვადიან პერსპექტივაში", - აცხადებენ დანიის თავდაცვის სამინისტროში.
ავტორი: ექსპრესნიუსი,
epn.ge (@expressnews.ge)
