​ნებისმიერი წარმატების უკან არიან ადამიანები და ეს ადამიანები არიან ისინი, ვინც დასაქმებულია იუსტიციის სამინისტროში, - ამის შესახებ იუსტიციის მინისტრმა, რატი ბრეგაძემ პარლამენტში სამინისტროს თანამშრომელთა სოციალური დაცვის დამატებითი ღონისძიებების შესახებ საუბრისას განაცხადა.

მისი თქმით, იუსტიციის სამინისტრო აქტიურად ზრუნავს მათი სამუშაო პირობების გაუმჯობესებაზე.

„ნებისმიერი წარმატების უკან არიან ადამიანები და ეს ადამიანები არიან ისინი, ვინც დასაქმებულია იუსტიციის სამინისტროში. მინდა, დიდი მადლობა გადავუხადო თითოეულ მათგანს საქმიანობისთვის. ჩვენ აქტიურად ვზრუნავთ მათი სამუშაო პირობების გაუმჯობესებაზე. რამდენიმე დღის წინ დავამტკიცეთ სოციალური დაცვის დამატებითი ღონისძიებების პაკეტი, რომლის ფარგლებშიც, მძიმე ავადმყოფობის შემთხვევაში, თანამშრომელს დაუფინანსდება სამედიცინო მომსახურება იმ შემთხვევაში, თუ დაზღვევა ან სხვა სახელმწიფო პროექტები არ ფარავს სრულად მისი მკურნალობის ხარჯს. ეს არის კიდევ ერთი ნათელი დასტური იმისა, თუ რაოდენ მნიშვნელოვანია ადამიანი სახელმწიფოსთვის, და ნებისმიერი საჯარო მოხელე, რომელიც მუშაობს იუსტიციის სამინისტროში, იქნება სრულად დაცული იმ საფრთხეებისგან, რომელიც შეიძლება შეექმნას მისი ჯანმრთელობის მდგომარეობას. პრემიერის ინიციატივით, საჯარო მოხელეებისთვის ყოველწლიურად ხელფასები იზრდება 10%-ით, რაც ძალიან ქმედითი მხარდაჭერაა ნებისმიერი საჯარო მოსამსახურისთვის. კიდევ ერთხელ დიდი მადლობა პრემიერს და მთავრობის თითოეულ წევრს იმ მხარდაჭერისთვის, რაც საქართველოში აქვს თითოეულ საჯარო მოხელეს", – განაცხადა ბრეგაძემ.

ავტორი: NS (სტატია დაფინანსებულია),

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს