ისრაელს დღეს ლოიდ ოსტინი ეწვევა

2023-10-13 10:10:38, 667 ნახვა

მსოფლიო

ამერიკის შეერთებული შტატების თავდაცვის მდივანი ლოიდ ოსტინი დღეს, 13 ოქტომბერს ისრაელს ეწვევა.

ამის შესახებ ინფორმაციას უკრაინული მედია პენტაგონზე დაყრდნობით ავრცელებს.

როგორც მედია წერს, მოსალოდნელია, რომ ლოიდ ოსტინი შეხვედრებს ისრაელის პრემიერ-მინისტრ ბენიამინ ნეთანიაჰუსთან, თავდაცვის მინისტრ იოავ გალანტთან და ისრაელის სამხედრო კაბინეტის წევრებთან გამართავს.

შეგახსენებთ, ამერიკის შეერთებული შტატების თავდაცვის მდივან ლოიდ ოსტინამდე ისრაელს სახელმწიფო მდივანი ენტონი ბლინკენი სტუმრობდა.

აღსანიშნავია, დღეს, 13 ოქტომბერს ისრაელში ევროკომისიისა და ევროპარლამენტის პრეზიდენტები, ურსულა ფონ დერ ლაიენი და რობერტა მეცოლაც ჩავლენ.

მანამდე 11 ოქტომბერს, ისრაელში დიდი ბრიტანეთის საგარეო საქმეთა მინისტრი ჯეიმს კლევერლი იმყოფებოდა.

ისრაელში ჩასვლის სურვილი გამოთქვა უკრაინის პრეზიდენტმა, ვოლოდიმირ ზელენსკიმაც.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,