2023-09-29 22:24:32, 706 ნახვა
მსოფლიო
CNN - ძლიერი წვიმის გამო, ნიუ-იორკში საგანგებო მდგომარეობა გამოცხადდა
ნიუ-იორკში წყალდიდობის შედეგად დატბორილია გზატკეცილები და ქუჩები. ამის შესახებ ინფორმაციას CNN ავრცელებს.
წყალდიდობის გამო დახურულია ლაგუარდიას აეროპორტის ერთ-ერთი ტერმინალი. შეფერხებით სრულდება ავიარეისები კენედის და ნევარკის საერთაშორისო აეროპორტებშიც. მეტროპოლიტენის ოთხ ხაზზე მატარებლების მოძრაობა შეჩერდა, კიდევ 12 ხაზზე მგზავრთა გადაადგილება ნაწილობრივ შეზღუდულია.
საგანგებო სამსახურების წარმომადგენლებმა დატბორილი სარდაფებიდან ექვსი ადამიანი ამოიყვანეს.
მსხვერპლის ან დაზარალებულების შესახებ ინფორმაცია არ გავრცელებულა.
ავტორი: ექსპრესნიუსი,
epn.ge (@expressnews.ge)
