2023-08-21 19:52:26, 893 ნახვა
მსოფლიო
ერდოღანისა და პუტინის შეხვედრა გაურკვეველი დროით გადაიდო
თურქეთისა და რუსეთის პრეზიდენტების, რეჯეფ თაიფ ერდოღანისა და ვლადიმერ პუტინის შეხვედრა გაურკვეველი დროით, სულ მცირე სექტემბრამდე გადაიდო. ამის შესახებ ინფორმაციას უცხოური მედია ერდოღანზე დაყრდნობით ავრცელებს.
ერდოღანი იმედოვნებს, რომ სექტემბერში პუტინთან შეხვედრას მოახერხებს და გეგმავს, რომ სხვა საკითხებთან ერთად, მასთან შავი ზღვის მარცვლეულის ინიციატივის მომავალზეც ისაუბროს.
"სექტემბერში გაიმართება G20-ის შეხვედრა ინდოეთში და გაეროს გენერალური ასამბლეის შეხვედრა შეერთებულ შტატებში. თუ ასეთ დატვირთულ გრაფიკში მოვახერხეთ შეხვედრა, მე და პუტინი პირადად შევხვდებით", - განაცხადა ერდოღანმა.
ავტორი: ექსპრესნიუსი,
epn.ge (@expressnews.ge)
