Bild - რუსეთი, თურქეთი და კატარი ახალ სამმხრივ „მარცვლეულის შეთანხმებას“ ამზადებენ

2023-08-19 10:28:22, 737 ნახვა

მსოფლიო

რუსეთი, თურქეთი და კატარი ახალ სამმხრივ „მარცვლეულის შეთანხმებას“ ამზადებენ. აღნიშნულის შესახებ ინფორმაციას გერმანული გამოცემა Bild-ი თურქეთისა და რუსეთის საგარეო საქმეთა სამინისტროებსა და საელჩოებს შორის მიმოწერაზე დაყრდნობით ავრცელებს.

გამოცემის ცნობით, იგეგმება, რომ შეთანხმებაში თურქეთი ორგანიზატორის როლში გამოვიდეს, კატარი კი სპონსორის. ამასთან მარცვლეულის მიწოდება ღარიბ ქვეყნებში იგეგმება.

"შემოთავაზებულია რუსული მარცვლეულის მიწოდება ღარიბ ქვეყნებში, ძირითადად აფრიკაში. ორგანიზატორი იქნება თურქეთი, სპონსორი კი კატარი",- აღნიშნულია მიმოწერაში.

Bild-ის ცნობითვე, ახალი „მარცვლეულის შეთანხმება“ შესაძლოა უკვე ამ შაბათ-კვირას ბუდაპეშტში გაფორმდეს, სადაც თურქეთის პრეზიდენტი რეჯეფ თაიფ ერდოღანი ჩავა.

შეგახსენებთ, მიმდინარე წლის 17 ივლისს, რუსეთმა „შავი ზღვის მარცვლეულის შეთანხმება“ შეაჩერა.

აღსანიშნავია, რომ "მარცვლეულის შეთანხმება" გასულ წელს თურქეთისა და გაეროს შუამავლობით გაფორმდა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,