2023-08-08 16:57:18, 1380 ნახვა
ომი უკრაინაში
ბრიტანეთმა რუსეთის სამხედრო მიმწოდებლებს სანქციები დაუწესა
დიდი ბრიტანეთი დამატებით სანქციებს უწესებს იმ უცხოურ ბიზნესებს, რომლებიც რუსეთს იარაღს ან იმ კომპონენტებს აწვდიან, რომელსაც კრემლი უკრაინაში ომისთვის იყენებს.
დასანქცირებულ კომპანიებს ბრიტანული აქტივები გაეყინათ. ამასთან ერთად, აეკრძალათ ბრიტანეთში საბანკო ანგარიშების შექმნა.
ბრიტანეთის საგარეო საქმეთა მინისტრის, ჯეიმს კლევერლის თქმით, აღნიშნული სანქციები შეასუსტებს რუსეთის ტყვია-წამლის რაოდენობას და მიწოდების ქსელს დახურავს.
"დღევანდელი სანქციები კიდევ უფრო მეტად შეასუსტებს ომში რუსეთის არსენალს და დახურავს მიწოდების ქსელს, რომელიც პრეზიდენტ პუტინის თავდაცვის ინდუსტრიას აძლიერებდა", - განაცხადა ჯეიმს კლევერლიმ.
ავტორი: ექსპრესნიუსი,
epn.ge (@expressnews.ge)
