2023-07-23 14:32:09, 1038 ნახვა

---

სარჯველაძე - იმისთვის, რომ გაამძაფრონ შთაბეჭდილება, თითქოს სააკაშვილი პოლიტპატიმარია, სხვა პრეცედენტებზე მითითება იქნებოდა იდეალური საშუალება - შეიძლება ვივარაუდოთ, რომ ეს არის გვარამია

გვარამიასთან მიმართებაში იყო თუ არა ლობიზმი წარმართული, გამიჭირდება ზუსტად ამის თქმა, არ ფიგურირებს ეს სახელი და გვარი, მაგრამ შემიძლია ვივარაუდო, რომ საქართველოს "გაშავების" საქმეში, რასაკვირველია, არავინ მოერიდებოდა ამ გვარის და სახელის დასახელებას და ამ კონტექსტში საქართველოს წინააღმდეგ ნაბიჯების გადადგმას,- ასე უპასუხა პარლამენტის ადამიანის უფლებათა დაცვის კომიტეტის თავმჯდომარემ, მიხეილ სარჯველაძემ აშშ-ის იუსტიციის დეპარტამენტის ვებგვერდზე გამოქვეყნებულ დოკუმენტებზე საუბრისას დასმულ შეკითხვას იმის თაობაზე, რამდენად არის შესაძლებელი, ნიკა გვარამიას გათავისუფლება ლობისტური კამპანიის შედეგი ყოფილიყო.

როგორც სარჯველაძემ განმარტა, სააკაშვილის პოლიტიკურ პატიმრად წარმოჩენისთვის, ლობისტებს სხვა პრეცედენტებზე მითითება დაეხმარებოდა, შესაბამისად, ის არ გამორიცხავს, რომ მათ ნიკა გვარამიას საქმე ამ მიზნით გამოეყენებინათ.

"იმისთვის, რომ გაამძაფრონ შთაბეჭდილება, თითქოსდა საააკაშვილი არის პოლიტპატიმარი, ასეთ შემთხვევაში, სხვა პრეცედენტებზე მითითება მათთვის იქნებოდა იდეალური საშუალება, ამიტომ, რასაკვირველია, სხვა მითების შეთხზვითაც იქნებოდნენ დაკავებული. ამ შემთხვევაში, შეიძლება ვივარაუდოთ, რომ ეს არის ნიკა გვარამია, ან შეიძლება ფიქრობენ იმას, რომ კეზერაშვილი არის მედია-დევნილი და ამის ტირაჟირებას ახდენდნენ. ამიტომ, ლოგიკურად ემბება, რომ ცალკეული პიარ-კამპანიის ნაწილი ყოფილიყო ნიკა გვარამიას საკითხიც", - აღნიშნა მიხეილ სარჯველაძემ.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი