2023-07-19 10:32:38, 662 ნახვა
საზოგადოება
გლდანულის N2-2 ა კორპუსებთან სკვერის რეაბილიტაცია ჩატარდება
გლდანულაში, N2-2 ა კორპუსებთან არსებული სკვერი სრულად რეაბილიტირდება. აღნიშნულის შესახებ ინფორმაციას თბილისის მერია ავრცელებს.
უწყების ცნობით, მოსახლეობას აღნიშნული სიახლის შესახებ, გლდანის რაიონის გამგებლის მოვალების შემსრულებელი ბესიკ კალაძე, საკრებულოს მაჟორიტარ დეპუტატ კონსტანტინე ზარნაძესთან ერთად ესაუბრა.
„სამუშაოები, დაახლოებით, 2 000 კვადრატულ მეტრამდე ფართობზე ჩატარდება, რისთვისაც, დაახლოებით, 390 000 ლარი დაიხარჯება.
ტერიტორიაზე განთავსდება ბავშვთა გასართობი და მოსასვენებელი ზონები, დამონტაჟდება გარე განათებისა და სარწყავი სისტემები, ასევე, სკვერისთვის საჭირო სხვა ინფრასტრუქტურა. ჩატარდება გამწვანების სამუშაოები“,- აღნიშნულია ინფორმაციაში.
ავტორი: NS (სტატია დაფინანსებულია),
epn.ge (@expressnews.ge)
