ევროკავშირთან  თანამშრომლობით ვიწყებთ პროექტს, რომლის ფარგლებში კიდევ 1300 სპეციალისტი გადამზადდება სხვადასხვა დისციპლინებში და შეემატება იმ ეკოსისტემას, რომელიც, საბოლოო ჯამში, უზრუნველყოფს საქართველოს  როგორც ინოვაციური, ტექნოლოგიური და ICT ჰაბის პოზიციონირებას ჩვენს რეგიონში, - ამის შესახებ ეკონომიკისა და მდგრადი განვითარების მინისტრის მოადგილემ, ირაკლი ნადარეიშვილმა ინოვაციებისა და ტექნოლოგიების სააგენტოში გამართულ ღონისძიებაზე განაცხადა, რომლის ფარგლებშიც სააგენტოსა და ევროკავშირს შორის ურთიერთთანამშრომლობის მემორანდუმი გაფორმდა.

დოკუმენტი, რომელსაც ხელი ეკონომიკის სამინისტროს ინოვაციებისა და ტექნოლოგიების სააგენტოს თავმჯდომარემ, ავთანდილ კასრაძემ და ევროკავშირის თანამშრომლობის ხელმძღვანელმა ნიკოლას სენდროვიჩმა მოაწერეს, 2 წლის განმავლობაში საქართველოს 1 300-ზე მეტი მოქალაქის გადამზადებას ითვალისწინებს მსოფლიო ბაზარზე ყველაზე მოთხოვნად და მაღალანაზღაურებად ისეთ პროფესიებში, როგორიცაა პროგრამირება, პროექტ-მენეჯმენტი, დიზაინი, და სხვა.

ირაკლი ნადარეიშვილის განცხადებით, ბოლო წლების განმავლობაში ქვეყანაში მთელი რიგი ღონისძიებები და პროგრამები ხორციელდება, რის შედეგადაც საქართველო ყალიბდება, როგორც რეგიონული ცენტრი ინოვაციებისა და ტექნოლოგიების მიმართულებით.

„ამ თვალსაზრისით ერთ-ერთი პრიორიტეტია  ICT მიმართულება - ორი წლის წინ შემოვიღეთ სპეციალური ფისკალური რეჟიმი, რის შედეგადაც 80-ზე მეტი საერთაშორისო კომპანია შემოვიდა ქვეყანაში და აწარმოებს თავის ბიზნესს საქართველოდან. ამ მიმართულებით განსაკუთრებით მნიშვნელოვანია ბაზრისთვის მაღალკვალიფიციური პერსონალის მიწოდება, შესაბამისად, საქართველოს მთავრობამ, ძალიან აქტიური მუშაობის შედეგად, გადამზადებისა და ტრენინგების კუთხით  ICT სექტორში  არაერთი პროგრამა განახორციელა, რომლის ფარგლებშიც უკვე გადამზადებულია 3000 სპეციალისტი და უახლოეს პერიოდში ვგეგმავთ კიდევ 5000 ადამიანის გადასამზადებელი პროგრამის დაწყებას", - აღნიშნა ირაკლი ნადარეიშვილმა.

ავტორი: NS (სტატია დაფინანსებულია),

სოციალური ქსელები

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით

500 Global in Eurasia-ს მეათე ნაკადის დემო დღე 25 ივნისს გაიმართება

საქართველოს ბანკისა და Emolas Corporation - ის პარტნიორობის ფარგლებში, სამეფო უბნის თეატრი სპექტაკლ „მოახლეებს“ ნიუ იორკის სცენაზე წარადგენს

ალეკო ელისაშვილმა პაპუაშვილს სასამართლოში უჩივლა