2023-05-30 18:12:29, 747 ნახვა
პოლიტიკა
რუსულმა ავიაკომპანია Red Wings-მა, ქვეყნების სიაში აფხაზეთი დაამატა
რუსულმა ავიაკომპანია Red Wings-მა, ქვეყნების ჩამონათვალში ოკუპირებული აფხაზეთი, როგორც ცალკეული ქვეყანა, დაამატა.
აქამდე ავიაკომპანიის ვებგვერდზე აფხაზეთი არ იძებნებოდა და დღეს ქვეყნების ჩამონათვალს ოკუპირებული რეგიონიც დაემატა.
19 მაისს სამოქალაქო ავიაციის სააგენტომ გაავრცელა ინფორმაცია, რომლის მიხედვითაც, ივნისიდან სოჭი-თბილისი-სოჭის და მოსკოვი-ქუთაისი-მოსკოვის საჰაერო ხაზებზე ოპერირებას ავიაკომპანია Red Wings-იც დაიწყებს.
ცნობისთვის, სარეგისტრაციო ქვეყნების გრაფაში ოკუპირებული აფხაზეთი და ცხინვალის რეგიონები დამოუკიდებელ სახელმწიფოებად რუსულ ავიაკომპანია "აზიმუტსაც" ჰქონდა მითითებული.
ავტორი: ექსპრესნიუსი,
epn.ge (@expressnews.ge)
