2023-05-18 21:28:47, 1439 ნახვა
ომი უკრაინაში
იაპონიის პრემიერ-მინისტრი და აშშ-ის პრეზიდენტი რუსეთის წინააღმდეგ სანქციების გაგრძელებაზე შეთანხმდნენ
იაპონიის პრემიერ-მინისტრი ფუმიო კიშიდა და აშშ-ის პრეზიდენტი ჯო ბაიდენი შეთანხმდნენ, გააგრძელონ სანქციები რუსეთის წინააღმდეგ და მხარი დაუჭირონ უკრაინას, - Reuters-ის ინფორმაციით, ამის შესახებ იაპონიის პრემიერ-მინისტრმა ჯო ბაიდენთან შეხვედრის შემდეგ განაცხადა.
კიშიდას ცნობით, უკრაინის პრეზიდენტი ვოლოდიმირ ზელენსკი, სავარაუდოდ, კვირას G7-ის სესიას ტელეკონფერენციის საშუალებით შეუერთდება.
"ჩვენ ერთხმად ვთანამშრომლობთ თანამოაზრე ქვეყნებთან, მათ შორის G7-ის წევრებთან და შევთანხმდით, რომ გავაგრძელოთ მკაცრი სანქციები რუსეთის წინააღმდეგ, ასევე ძლიერი მხარდაჭერა უკრაინის მიმართ", - განაცხადა კიშიდამ.
ავტორი: ექსპრესნიუსი,
epn.ge (@expressnews.ge)
