2023-05-15 16:26:10, 938 ნახვა
მსოფლიო
მოლდოვა დსთ-ს საპარლამენტო ასამბლეას ტოვებს
მოლდოვა დსთ-ს საპარლამენტო ასამბლეას ტოვებს. ამის შესახებ მოლდოვის პარლამენტის თავმჯდომარემ, იგორ გროსუმ განაცხადა.
როგორც იგორ გროსუ აცხადებს, მოლდოვა მზადაა დაამტკიცოს, რომ კეთილდღეობა, დემოკრატია და უკეთესი მომავალი სურს, აქედან გამომდინარე მოლდოვა აგრესორ ქვეყანასთან ერთად მოლაპარაკების მაგიდაზე ვეღარ დარჩება.
„მზად ვართ, დავშორდეთ ბოროტების, ომისა და სიღარიბის წყაროს. ოცდაათი წლის განმავლობაში დავამტკიცეთ, რომ გვსურს კეთილდღეობა, დემოკრატია და უკეთესი მომავალი. დსთ რუსეთის მიერ საბჭოთა ნანგრევებზე შექმნილი ორგანიზაციაა, რომლის მიზანიც ყოფილი საბჭოთა რესპუბლიკების კონტროლია. აღარ შეგვიძლია, აგრესორ ქვეყანასთან მოლაპარაკების ერთ მაგიდასთან დავრჩეთ“, – განაცხადა მოლდოვის პარლამენტის თავმჯდომარემ.
ავტორი: ექსპრესნიუსი,
epn.ge (@expressnews.ge)
