2023-04-24 17:03:45, 1325 ნახვა
მსოფლიო
დიდმა ბრიტანეთმა ირანის ოფიციალურ პირებს მორიგი სანქციები დაუწესა
დიდმა ბრიტანეთმა გამოაცხადა დამატებითი სანქციები ირანის რეჟიმის ოფიციალურ პირებზე, რომლებიც პასუხისმგებელნი არიან ადამიანის უფლებების დარღვევაზე.
როგორც დიდი ბრიტანეთის საგარეო საქმეთა მინისტრმა განაცხადა, დიდი ბრიტანეთი და მისი საერთაშორისო პარტნიორები არ უგულებელყოფენ ირანის რეჟიმის მკაცრ ჩაგვრას.
"დიდი ბრიტანეთი და ჩვენი საერთაშორისო პარტნიორები დღეს კიდევ ერთხელ ცხადყოფენ, რომ ჩვენ არ უგულებელვყოფთ [ირანის] რეჟიმის მკაცრ ჩაგვრას", - თქვა ბრიტანეთის საგარეო საქმეთა მინისტრმა ჯეიმს კლევერლიმ.
შეგახსენებთ, 2022 წლის ოქტომბრიდან გაერთიანებულმა სამეფომ 70-ზე მეტი ირანელი ოფიციალური პირი და ორგანიზაცია სანქციების სიაში ადამიანის უფლებების დარღვევის გამო შეიყვანა.
ავტორი: ექსპრესნიუსი,
epn.ge (@expressnews.ge)
