2023-04-20 08:52:47, 1055 ნახვა
მსოფლიო
იემენის ერთ-ერთ სკოლაში ჭყლეტის შედეგად სულ მცირე 78 ადამიანი დაიღუპა
იემენის დედაქალაქ სანაში, ერთ-ერთ სკოლაში მომხდარი ჭყლეტის დროს სულ მცირე 78 ადამიანი დაიღუპა. აღნიშნულის შესახებ ინფორმაციას Reuters-ი ავრცელებს.
Reuters-ის ცნობით, სკოლაში რამადანთან დაკავშირებით საქველმოქმედო ღონისძიებები მიმდინარეობდა, რა დროსაც ჭყლეტა მოხდა.
გამოცემის ცნობითვე, ინციდენტის შედეგად ათობით ადამიანი დაშავდა, ხოლო 13 მათგანის მდგომარეობა კრიტიკულად მძიმეა.
ადგილობრივმა ხელისუფლებამ მომხდარზე პასუხისმგებლობა ქველმოქმედების გამცემ პირებს დააკისრა, რომელთაც ვერ შეძლეს ჰუმანიტარული დახმარების ორგანიზებულად დარიგება.
ცნობისთვის, იემენში 2015 წლის სამხედრო გადატრიალების შედეგად, ხელისუფლების სათავეში მეამბოხე ჰუსიტები არიან.
ავტორი: ექსპრესნიუსი,
epn.ge (@expressnews.ge)
