სამხრეთ კორეამ, შესაძლოა, ჰუმანიტარული და ეკონომიკური დახმარების გარდა, უკრაინაში სამხედრო დახმარებაც გაგზავნოს. ამის შესახებ სამხრეთ კორეის პრეზიდენტმა, იუნ სუკ იოლმა Reuters-თან ინტერვიუში განაცხადა. 

გამოცემის ცნობით, აშშ-ში სახელმწიფო ვიზიტის წინ, პრეზიდენტმა გამოცემასთან საუბრისას აღნიშნა, რომ ქვეყანა იკვლევს გზებს, თუ როგორ შეიძლება დაეხმაროს უკრაინას თავდაცვასა და ომის შემდგომ რეკონსტრუქციაში.

"როდესაც ისეთი სიტუაცია დგება, რომელსაც საერთაშორისო საზოგადოება ვერ დაუშვებს, როგორიცაა ნებისმიერი ფართომასშტაბიანი თავდასხმა მშვიდობიან მოსახლეობაზე, ხოცვა-ჟლეტა, ან ომის კანონების სერიოზული დარღვევა, ჩვენ გაგვიჭირდება მხოლოდ ჰუმანიტარული, ან ფინანსური დახმარებით შემოფარგვლა",- განაცხადა სუკ იოლმა.

Reuters-ის ცნობითვე, ეს პირველი შემთხვევაა, როდესაც სეულმა უკრაინაში იარაღის მიწოდებაზე მზადყოფნა გამოთქვა მას შემდეგ, რაც დაახლოებით, ერთი წლის წინ ომში ჩართული ქვეყნებისთვის ლეტალური იარაღის გადაცემის შესაძლებლობა კორეელმა მაღალჩინოსნებმა გამორიცხეს.

ავტორი: ექსპრესნიუსი,

სოციალური ქსელები

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა