2023-04-19 12:11:36, 875 ნახვა
მსოფლიო
ჩინეთში, საავადმყოფოში გაჩენილი ხანძრის შედეგად 29 ადამიანი დაიღუპა
ჩინეთის დედაქალაქ პეკინში, ერთ-ერთ საავადმყოფოში ხანძარი გაჩნდა. შემთხვევის შედეგად 29 ადამიანი დაიღუპა, მათ შორის 26 პაციენტია. დაშავებულია ათობით პირი. აღნიშნულ ინფორმაციას Reuters-ი ავრცელებს.
ხანძარი სამედიცინო დაწესებულებაში, გუშინ, 18 აპრილს ადგილობრივი დროით 13:00 საათზე გაჩნდა.
ქვეყნის ოფიციალური პირების განცხადებით, ხანძრის მიზეზი ერთ-ერთ პალატაში სარემონტო სამუშაოებისას გამოყენებული აალებადი საღებავი მასალა გახდა.
მომხდარის გამო, რამდენიმე ადამიანი, მათ შორის საავადმყოფოს დირექტორი და დირექტორის მოადგილე, ასევე სარემონტო სამუშაოების ზედამხედველი ფირმის ხელმძღვანელი დააკავეს.
ავტორი: ექსპრესნიუსი,
epn.ge (@expressnews.ge)
