2023-04-09 17:14:22, 871 ნახვა
მსოფლიო
რომის პაპი - დაე, მთელი საერთაშორისო საზოგადოება გლობალურად ომის დასასრულებლად იბრძოდეს
რომის პაპმა ფრანცისკემ წმინდა პეტრეს მოედანზე აღდგომის საზეიმო წირვა აღავლინა, რის შემდეგაც ადგილზე შეკრებილ ასი ათას მორწმუნეს წმინდა პეტრეს ბაზილიკის აივნიდან ტრადიციული სააღდგომო ეპისტოლეთი მიმართა.
პაპმა ფრანცისკემ „ურბი ეთ ორბი“ (ქალაქსა და მსოფლიოს) ქადაგებაში ომის დასრულება ისურვა.
"დაეხმარეთ ჩვენს საყვარელ უკრაინელ ხალხს მშვიდობის გზაზე და მოჰფინეთ აღდგომის ნათელი რუს ხალხს. ნუგეში ეცით დაჭრილებს და ყველას მათ, ვინც საყვარელი ადამიანი დაკარგა ამ ომის გამო. დაე, ტყვეები მშვიდობიანად დაუბრუნდნენ თავიანთ ოჯახებს. დაე, უფალმა ანუგეშოს დაჭრილები. დაე, პატიმრები დაბრუნდნენ სახლში და მთელი საერთაშორისო საზოგადოება გლობალურად იბრძოდეს ომის დასასრულებლად", - განაცხადა რომის პაპმა.
ავტორი: ექსპრესნიუსი,
epn.ge (@expressnews.ge)
