რაც შეეხება, კონკრეტულ მტკიცებულებებს, ეს არა მარტო კონკრეტულ მოსამართლეებს, არამედ საზოგადოებასაც აინტერესებს, - ამის შესახებ საკონსტიტუციო სასამართლოს თავმჯდომარემ, მერაბ ტურავამ აშშ-ის მიერ 4 ქართველი მოსამართლის დასანქცირებასთან დაკავშირებით, ჟურნალისტებს განუცხადა. 

ტურავას თქმით, აუცილებელია, ყველა ღია თუ დახურული ინფორმაცია საზოგადოებისთვის ცნობილი გახდეს.

"შეერთებული შტატების სახელმწიფო დეპარტამენტმა, მიიღო ის გადაწყვეტილება, რომელიც გაჟღერდა საჯაროდ. შესაბამისად, ბევრი კომენტარიც გაკეთდა ამ საკითხთან დაკავშირებით. ამერიკის ელჩი ამბობს, რომ ეს არის გაკეთებული ამერიკული კანონმდებლობის შესაბამისად, ხოლო რაც შეეხება, კონკრეტულ მტკიცებულებებს, ეს არა მარტო კონკრეტულ მოსამართლეებს, არამედ საზოგადოებასაც აინტერესებს ის ღია თუ დახურული ინფორმაცია, რომელსაც ეს გადაწყვეტილება ეყრდნობა", - განაცხადა საკონსტიტუციო სასამართლოს თავმჯდომარემ. 

შეგახსენებთ, რომ 5 აპრილს აშშ-ის სახელმწიფო დეპარტამენტმა მოსამართლე მიხეილ ჩინჩალაძე, ლევან მურუსიძე, ირაკლი შენგელია და ვალერიან ცერცვაძე კორუფციის გამო დაასანქცირა.

სანქცია ითვალისწინებს აღნიშნული პირებისა და მათი უშუალო ოჯახის წევრების მიმართ აშშ-ში შესვლის აკრძალვას.

ავტორი: ექსპრესნიუსი,

სოციალური ქსელები

დიმიტრი გუტკოვი - საქართველოს დემოკრატიული, ევროპული გზა ეს არ არის გზა რუსეთის წინაამდეგ, ეს მხოლოდ პუტინის დიქტატურის წინაამდეგ

ერდოღანს 2028 წელს მესამედ შეეძლება პრეზიდენტად კენჭისყრა

ვენესუელაში მიწისძვრის შედეგად დაღუპულთა რიცხვი 164-მდე გაიზარდა

კობახიძე: ჩვენთვის არავითარი ფასი არ აქვს ასეთ რეზოლუციებს, მძიმე მდგომარეობაა PACE-ში