თეთრი სახლი საქართველოს პრეზიდენტის, სალომე ზურაბიშვილისა და ეროვნული უსაფრთხოების საკითხებში აშშ-ის პრეზიდენტის მრჩევლის, ჯეიკ სალივანის შეხვედრის შესახებ განცხადებას ავრცელებს.

თეთრი სახლის ინფორმაციით, ზურაბიშვილმა და სალივანმა საქართველოში განვითარებული ბოლო მოვლენები განიხილეს.

"ეროვნული უსაფრთხოების საკითხებში მრჩეველი ჯეიკ სალივანი საქართველოს პრეზიდენტს სალომე ზურაბიშვილს შეხვდა. მათ განიხილეს საქართველოში ბოლო დროს განვითარებული მოვლენები და ხაზი გაუსვეს მათი ქვეყნების საერთო ინტერესს საქართველოს ევროატლანტიკური ინტეგრაციის გზაზე. ასევე გამოთქვეს საერთო შეშფოთება კანონპროექტთან დაკავშირებით, რომელიც ითვალისწინებს სამოქალაქო ორგანიზაციების რეგისტრაციას და სტიგმატიზაციას გარე დაფინანსების მისაღებად, რამაც, შესაძლოა, ასობით არასამთავრობო ორგანიზაციის მუშაობა შეაფერხოს. ისინი მიესალმნენ მთავრობის ბოლო გადაწყვეტილებას ორი კანონპროექტის გაუქმების შესახებ",- აღნიშნულია განცხადებაში.

გარდა ამისა, შეხვედრაზე ხაზი გაესვა საქართველოსა და აშშ-ს საერთო ინტერესებს ქვეყნის ევროინტეგრაციაში. 

ასევე, მათ განიხილეს, რომ საჭიროა რუსეთმა სრული სიმძაფრით იგრძნოს სანქციების, ექსპორტის კონტროლისა და სხვა ეკონომიკური შეზღუდვების გავლენა, რათა პუტინმა ომისთვის პასუხი ამ ფორმითაც აგოს. სალივანმა ხაზი გაუსვა, რომ ამ პროცესში მნიშვნელოვანია, რუსეთისთვის საქართველო არ გახდეს სანქციების თავის არიდების ან გვერდის ავლის გზა",- ვკითხულობთ განცხადებაში.

შეგახსენებთ, რომ საქართველოს პრეზიდენტი, სალომე ზურაბიშვილი აშშ-ში სამუშაო ვიზიტით იმყოფება და ეროვნული უსაფრთხოების საკითხებში ჯო ბაიდენის მრჩეველს, ჯეიკ სალივანს გუშინ, 10 მარტს შეხვდა.

ავტორი: ექსპრესნიუსი,

სოციალური ქსელები

ზელენსკიმ თავდაცვის მინისტრი თანამდებობიდან გადააყენა - ამას პროტესტი მოჰყვა

ვოლსკი: მაკა ბოჭორიშვილის ვაშინგტონში მიწვევა სერიოზული დასტურია, რომ საქართველოსთან თანამშრომლობა საგანგებოდ მნიშვნელოვანია

ირანის შეიარაღებული ძალების გაერთიანებული სარდლობა - აშშ-ის მიერ ჰორმუზის სრუტეში ჩარევას არ დავუშვებთ

მილიარდერები რუსეთიდან თავიანთი ფულის გატანას ჩქარობენ, რადგან სამხედრო ბიუჯეტისთვის კონფისკაციის შიში აქვთ