შრომის ინსპექციის სამსახურმა გასული წლის საქმიანობა შეაჯამა. როგორც უწყების მიერ გავრცელებულ ინფორმაციაშია ნათქვამი, 2022 წელს განხორციელებული რეფორმებისა და სამომავლო გეგმების შესახებ პრეზენტაცია შრომის ინსპექციის სამსახურის უფროსმა წარადგინა.

ბექა ფერაძის განცხადებით, გასულს წელს დასაქმებულთა უფლებების გასაუმჯობესებლად მნიშვნელოვანი ნაბიჯები გადაიდგა. შემცირდა და კვირაში 40 საათიანი გრაფიკით განისაზღვრა მომსახურების, ტრანსპორტის, სამთო-მოპოვების და სამშენებლო სექტორში დასაქმებულთა სამუშაო დრო. 40 საათზე მეტი ნამუშევარი საათები კი მთავრობის დადგენილებით ზეგანაკვეთურად ითვლება, რაც შესაბამისი წესით, დამატებით ანაზღაურებას ითვალისწინებს.

„ანგარიშში ყურადღება გამახვილდა ექიმებისა და ექთნებისთვის, მინიმალური ხელფასის დაწესებაზე, რაც სამედიცინო სექტორის წარმომადგენლებისთვის ღირსეული სამუშაო პირობების შექმნას ემსახურება.

შეიქმნა ვაკანსიის გამოცხადების სახელმძღვანელო დამსაქმებლებისთვის, რათა წინასახელშეკრულებო ურთიერთობაში მინიმუმამდე იყოს დაყვანილი დისკრიმინაციის შემთხვევები.

როგორც ბექა ფერაძემ აღნიშნა, საერთო ჯამში, შრომის უფლებების მიმართულებით, ზედამხედველობა 70 000-მდე პირს შეეხო.

მისივე განმარტებით სამუშაო ადგილზე უბედური შემთხვევების კლების ტენდენცია 2022 წელსაც შენარჩუნდა. ბოლო 5 წლის განმავლობაში კი 41%ით შემცირდა სამუშაო ადგილზე გარდაცვლილთა რაოდენობა.

პრეზენტაციას ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი ზურაბ აზარაშვილი, სოციალური პარტნიორები, ბიზნესის, ადგილობრივი და საერთაშორისო ორგანიზაციების წარმომადგენლები ესწრებოდნენ“,- აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”