გამოდიან ღრმადპატივცემულ ევროპარლამენტში და საქართველოს წინააღმდეგ იღებენ რაღაცას ხომ? - შენ რომ უგუნურ კანონს მიიღებ, უგუნური განზრახვა გექნება ჩემი მისამართით, ჩემგანაც წამოვა შესაბამისი რაღაცა, - ამის შესახებ ბოდბელმა მთავარეპისკოპოსმა იაკობმა მიტევების მსახურების შემდეგ, ქადაგებისას განაცხადა.

როგორც მეუფე იაკობმა აღნიშნა, ევროპარლამენტარებს "აღარ უნდა უკვირდეთ", რომ მათი "უგუნური გადაწყვეტილებების საპასუხოდ", ვიღაცები შეიძლება აგენტებად მონათლონ.

"დღევანდელ მსოფლიოში, რადგან ჭეშმარიტებას ვერსად ვერ ვხედავ, ჩემი ერის სადარაჯოზე დავრჩები ყოველთვის. ჩემი ერი ჩემთვის ყველაზე საყვარელია და გარედან ვინც რა უნდა მითხრას, მივიღებ იმისგან, ვინც ჩვენზე ძალიან ცდილობს, რომ ღმერთთან იყოს, თორემ ადამიანის მოგონილი კანონები ადამიანის კანონებად რჩება და არაფერს არ გვაძლევს. ერმა ღირსება უნდა შეინარჩუნოს დღევანდელ მსოფლიოში. სამწუხაროდ, ყველა ყველასთან ცდება. საქართველოს ამბავი ავიღოთ - იმის გამო, რომ ყველაფერს არ ვუსმენთ ვიღაცებს, ჩვენი ქვეყნის მიმართ დღევანდელ პირობებში... იმიტომ ვლაპარაკობ, რომ მინდა გულიდან ამოვიღოთ ყველამ ყველაფერი.

გამოდიან ღრმადპატივცემულ ევროპარლამენტში და საქართველოს წინააღმდეგ იღებენ რაღაცას ხომ? სულ არ მაინტერესებს არც ერთი პოლიტიკური პარტია ამ შემთხვევაში. მე ვხედავ, რომ გამყიდეს იმათმა აგრესორ რუსეთზე, გადამაგდეს. გვკითხეს ქართველებს ჩვენ რა გჭირდება და რა არა, თავისას რომ მიწესებენ.

მერე ჩვენგანაც წამოვა, შენ რომ უგუნურ კანონს მიიღებ, უგუნური განზრახვა გექნება ჩემი მისამართით, ჩემგანაც წამოვა შესაბამისი რაღაცა. მერე აღარ უნდა გიკვირდეს, რომ ვიღაცები შეიძლება აგენტებად მონათლონ, ეს ხომ შენი უგუნური გადაწყვეტილებების საპასუხო რეაქციაა. ცოდოები არ არიან, ვინც აგენტების ნუსხაში მოხვდნენ და ის ხომ ცოტა ადამიანი იქნება. ეს ადამიანები იქნებიან, ძირითადად, ვინც გარეთ გადიან და სხვაგან ჩივიან", - განაცხადა მეუფე იაკობმა ქადაგებისას.

ავტორი: ექსპრესნიუსი,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”