ორ ქვეყანას შორის ურთიერთობებსა და თანამშრომლობის სამომავლო პერსპექტივებზე ისაუბრეს საქართველოს ეკონომიკისა და მდგრადი განვითარების მინისტრის მოადგილემ, მარიამ ქვრივიშვილმა და გერმანიის ფედერაციული რესპუბლიკის საგანგებო და სრულუფლებიანმა ელჩმა საქართველოში პიტერ ფიშერმა ეკონომიკის სამინისტროში გამართულ შეხვედრაზე, რომელსაც ასევე ტურიზმის ეროვნული ადმინისტრაციის ხელმძღვანელი მაია ომიაძე და ადმინისტრაციის ხელმძღვანელის მოადგილე თამარ ყორიაული ესწრებოდნენ.

მარიამ ქვრივიშვილის განცხადებით, სხვა მნიშვნელოვან საკითხებთან ერთად მხარეებმა განიხილეს 2023 წლის მარტში დაგეგმილი საერთაშორისო ტურისტული გამოფენის - ITB Berlin-ის მოსამზადებელი სამუშაოები, სადაც საქართველო მასპინძელი ქვეყნის სტატუსით იქნება წარდგენილი.

როგორც მინისტრის მოადგილემ აღნიშნა, საქართველოსა და გერმანიას შორის ტრადიციულად არსებობს მეგობრული, საქმიანი ურთიერთობები და აქტიური ურთიერთთანამშრომლობა სხვადასხვა სფეროში. მისივე თქმით, ხაზგასასმელია, რომ გერმანია არის ქვეყანა, რომელთანაც ყველაზე მეტი ავიარეისი გვაქვს - აქ შვიდი მიმართულებით დაფრინავს ოთხი ავიაკომპანია, რაც განსაკუთრებით მნიშვნელოვანია ტურიზმისთვის.

„ვფიქრობთ, რომ ITB Berlin-ის მასპინძელი ქვეყნის სტატუსი კიდევ უფრო შეუწყობს ხელს როგორც გერმანიის ფედერაციული რესპუბლიკიდან, ისე მთლიანად ევროპიდან ტურისტული ნაკადების ზრდას" - განაცხადა მარიამ ქვრივიშვილმა.

ავტორი: NS (სტატია დაფინანსებულია),

სოციალური ქსელები

გოცირიძე - „ოცნების“ მთავრობის ნებართვით აფხაზეთში ქართული კომპანიის მიერ საწვავის შეტანა ნიშნავს რუსეთის სამხედრო ბაზების მომარაგებას

თეირანი აშშ-სთან ცეცხლის შეწყვეტის შეთანხმების გახანგრძლივების შესახებ ცნობებს უარყოფს

რეკორდული ბაზრის წილი და პროდუქტის დივერსიფიკაცია - „თეგეტა ქონსთრაქშენ ექვიფმენთმა“ JCB-ს ორი ჯილდო მიიღო

ივანიშვილის პრემიერი მზადაა ოკუპირებულ აფხაზეთში ბენზინი შეიტანოს და რუსებს ამით დაეხმაროს