საპარლამენტო ოპოზიციის დეპუტატები ანა ბუჩუკური, თეონა აქუბარდია და ხათუნა სამნიძე პარლამენტში ინტერპელაციის წესით პრემიერ-მინისტრ ირაკლი ღარიბაშვილს იბარებენ. აღნიშნულის შესახებ განცხადება დეპუტატებმა პარლამენტში ცოტახნის წინ გააკეთეს.

თეონა აქუბარდიას თქმით, მათ ღარიბაშვილთან კითხვები აქვთ ეროვნული უსაფრთხოების საკითხებზე.

„პრემიერ-მინისტრს, რომელსაც პასუხისმგებლობა აკისრია კონსტიტუციის წინაშე ქვეყნის ეროვნულ უსაფრთხოებაზე და რომელიც არაფერს არ აკეთებს იმისთვის, რომ ქვეყანა იყოს დაცული და ქვეყნის ეროვნული უსაფრთხოების ინტერესები იყოს წინ წასული. ჩვენ ვიბარებთ მას პარლამენტში ინტერპელაციის წესით იმისთვის, რომ გასცეს კითხვებს პასუხები - თუ რა ვითარებაა უკრაინის წინააღმდეგ ფართომასშტაბიანი აგრესიის ერთი წლის თავზე საქარტველოს ეროვნულ უსაფრთხოებაში, რატომ არ იკრიბება ეროვნული უსაფრთხოების საბჭო დადგენილი წესით სამ თვეში ერთხელ მაინც, რატომ არ განიხილავს ქვეყნის ეროვნული უსაფრთხოების ინტერესებს პრემიერი თავის სათათბირო საბჭოში, რატომ არ განაახლა პრემიერმა, რომელსაც პარლამენტში ჰქონდა დაპირება, რომ წარადგენდა ქვეყნისთვის აუცილებელ ეროვნული უსაფრთხოების სტრატეგიულ დოკუმენტებს; სად არის დეოკუპაციის საერთო ეროვნული ხედვა, რომელზეც პრემიერი 2020 წლის პირობებში გვესაუბრებოდა და პარლამენტმა 2021 რეზოლუციით დავავალეთ მას, რომ ეს წარმოედგინა; რატომ არ აქვს საქართველოს დღემდე ჰიბრიდულ ომთან დაპირისპირების საერთო სტრატეგია, რომლის პირობაც პრემიერმა 2021 ანგარიშით დადო და პაარლამენტმა მოუწოდა და რატომ არის საქართველოს თავდაცვის ბიუჯეტი „ქართული ოცნების“ პირობებში რეკორდულად შემცირებული 1,58%-ი; რას აკეთებს პრემიერ-მინისტრი იმისთვის, რომ ქვეყნის თავდაცვა იყოს იმ დონეზე, რა დონეზეც აუცილებელია ოკუპირებული ქვეყნისთვის და რას აკეთებს ის, რომ მოიზიდოს დახმარება ჩვენი დასავლელი პარტნიორების მხრიდან.

კიდევ ერთხელ მიგვაჩნია, რომ პრემიერი უნდა წარსდგეს პარლამენტის წინაშე, რამდენადაც პარლამენტი განსაზღვრავს საგარეო და უსაფრთოების პოლიტიკის ამოცანებს და ყველა ის დაპირება, როგორც პარლამენტის წინაშე ისე საზოგადოების წინაშე, რაც უკავშირდება ეროვნულ უსაფრთხოებას მოგვახსენოს, რატომ არ შესრულდა ყველა ის დაპირება, რაც უკავშირდება უსაფრთხოებას”,- განაცხადეს დეპუტატებმა.

ავტორი: ექსპრესნიუსი,

სოციალური ქსელები

გოცირიძე - „ოცნების“ მთავრობის ნებართვით აფხაზეთში ქართული კომპანიის მიერ საწვავის შეტანა ნიშნავს რუსეთის სამხედრო ბაზების მომარაგებას

თეირანი აშშ-სთან ცეცხლის შეწყვეტის შეთანხმების გახანგრძლივების შესახებ ცნობებს უარყოფს

რეკორდული ბაზრის წილი და პროდუქტის დივერსიფიკაცია - „თეგეტა ქონსთრაქშენ ექვიფმენთმა“ JCB-ს ორი ჯილდო მიიღო

ივანიშვილის პრემიერი მზადაა ოკუპირებულ აფხაზეთში ბენზინი შეიტანოს და რუსებს ამით დაეხმაროს