ვახტანგ კიკაბიძე დიდ წინააღმდეგობას უწევდა ბიძინა ივანიშვილს, რომელიც თავის ერს აშინებს, რომ რუსეთის წინააღმდეგ სანქციების შეერთება ომს გამოიწვევს,- ამის შესახებ ევროპარლამენტარი, რასა იუკნევიჩიენე სოციალურ ქსელში წერს.

იუკნევიჩიენეს თქმით, ვახტანგ კიკაბიძე იყო ადამიანი დიდი გულითა და სინდისით.

"ჩვენი თაობისთვის ის იყო როგორც ჩვენიანი. ჩვენ მაშინ არ ვიცოდით, რომ ის იმ „გრუზიას” წარმოადგენდა, რომელსაც ახალ საქართველოს ვუწოდებთ.

ადამიანი დიდი გულითა და სინდისით.

ვახტანგ კიკაბიძე დიდ წინააღმდეგობას უწევდა ბიძინა ივანიშვილს, რომელიც თავის ერს აშინებს, რომ რუსეთის წინააღმდეგ სანქციების შეერთება ომს გამოიწვევს, რომ ევროკავშირს სურს მათი ჩაბმა ომში, რომ ისინი არ დაიკავებენ მხარეებს ამ კონფლიქტში (?!).

ღმერთმა დაუმკვიდროს მის სულს ადგილი, ამ მართალ და წრფელ ადამიანს”,- წერს იუკნევიჩიენე.

შეგახსენებთ, რომ ქართველი კინომსახიობი, საესტრადო მომღერალი, სცენარისტი და კინორეჟისორი ვახტანგ (ბუბა) კიკაბიძე 84 წლის ასაკში გარდაიცვალა.

ბუბა კიკაბიძეს 19 იანვარს დაკრძალავენ. სამოქალაქო პანაშვიდები 17 და 18 იანვარს ქაშვეთის ეკლესიაში გაიმართება.

19 იანვარს კი მას თბილისის დიდი საკონცერტო დარბაზიდან გამოასვენებენ.

ავტორი: ექსპრესნიუსი,

სოციალური ქსელები

პირველკლასელების სასკოლო ფორმები საქართველოშია და 1-14 სექტემბერს გაიყიდება

პოლონეთის საელჩო: კაჩინსკის 2008 წლის გაფრთხილება პირქუშ წინასწარმეტყველებას ჰგავს

„მნიშვნელოვანი დემოკრატიული უკუსვლა“: რას ამბობს ევროკავშირის ახალი ანგარიში საქართველოს შესახებ

უკანა სავარძელზე მსხდომ მგზავრებს შესაძლოა უსაფრთხოების ღვედების გამოყენება მოეთხოვოთ