2023-01-15 11:23:34, 1616 ნახვა

---

თეთრი სახლი უკრაინის ქალაქების დაბომბვაზე - გავაგრძელებთ მუშაობას, რათა ჩადენილ სისასტიკეებზე რუსეთს პასუხისმგებლობა დავაკისროთ

თეთრმა სახლმა დაგმო რუსეთის მიერ უკრაინის ქალაქების ახალი მასიური დაბომბვა, მათ შორის რუსული რაკეტის თავდასხმა დნეპრის საცხოვრებელ კორპუსზე. 

„ეს დარტყმები არის რუსეთის მიერ წარმოებული სასტიკი და ბარბაროსული ომის კიდევ ერთი მაგალითი, რომელიც მიზნად ისახავს უკრაინის კრიტიკულ ინფრასტრუქტურას, რომელიც შუქს და სითბოს ართმევს უკრაინის სამოქალაქო მოსახლეობას“, - თქვა ეროვნული უშიშროების საბჭოს სპიკერმა წერილობით განცხადებაში.

განცხადებაში ასევე აღნიშნულია, რომ შეერთებული შტატები გააგრძელებს უკრაინის უზრუნველყოფას, რაც მას თავდაცვისთვის სჭირდება, მათ შორის საჰაერო თავდაცვის სისტემები, „მოკავშირეებთან და პარტნიორებთან ერთად“.

"და ჩვენ გავაგრძელებთ ჩვენს მუშაობას, რათა პასუხისმგებლობა დავაკისროთ რუსეთის ძალებს სამხედრო დანაშაულებებზე და სისასტიკეებზე. რუსეთი აგრძელებს უკრაინელი ხალხის სიძლიერესა და მონდომებას და მათი დემორალიზების ეს უკანასკნელი მცდელობები კიდევ ერთხელ ჩავარდება", - ხაზგასმით აღნიშნა თეთრმა სახლმა.

ცნობისთვის, გუშინ, 14 იანვარს რუსეთმა უკრაინის ქალაქებზე სარაკეტო იერიში განახორციელა. 

ამავე დროს, დნეპრში, რუსმა ოკუპანტებმა დაბომბეს მაღალსართულიანი კორპუსი, რომელშიც დაახლოებით 1700 ადამიანი ცხოვრობდა. დანგრეულ სადარბაზოში 200-მდე ადამიანი იყო, მათგან 50 ბავშვი.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი