"ქართული ოცნების" თავმჯდომარე ირაკლი კობახიძე აცხადებს, რომ თუ პრეზიდენტი მიხეილ სააკაშვილს შეიწყალებს, ეს სალომე ზურაბიშვილის იმიჯს დააზიანებს.

როგორც კობახიძემ მედიის წარმომადგენლებთან საუბრისას აღნიშნა, პრეზიდენტის იმიჯი წარსულში არაერთმა შეწყალებამ უკვე დააზიანა.

"იმიჯის დაზიანება ხდება თავისთავად და არა ვინმეს დახმარებით. როდესაც საუბარია იმაზე, რომ რეციდივისტის შეწყალება იმიჯისთვის დამაზიანებელი იქნება, აქ მუქარა არაფერ შუაშია. გახსოვთ, წარსულშიც შეიწყალა კონკრეტული ადამიანები სალომე ზურაბიშვილმა და ამან დააზიანა მისი იმიჯი. ამ შემთხვევაში, რა თქმა უნდა, შეიძლება კიდევ უფრო დამაზიანებელი იყოს ეს ნაბიჯი მისი იმიჯისთვის იმიტომ, რომ განსხვავებით თუნდაც იმ უმძიმესი პატიმრებისგან, რომლებიც თავის დროზე მან შეიწყალა, სააკაშვილს აქვს ბევრად უფრო მძიმე დანაშაულები ჩადენილი მათ შორის საკუთარი ქვეყნისა და ხალხის წინაშე", - ამბობს ირაკლი ღარიბაშვილი.

ცნობისთვის, თბილისის მერმა, "ქართული ოცნების" გენერალურმა მდივანმა, კახა კალაძემ თქვა, რომ თუ პრეზიდენტი მიხეილ სააკაშვილის შეწყალების გადაწყვეტილებას მიიღებს, "ეს მისთვის და მისი კარიერისთვის უმძიმესი გადაწყვეტილება" იქნება.

ავტორი: ექსპრესნიუსი,

სოციალური ქსელები

ტრამპი: რუსეთი დათანხმდა დაპატიმრებული ამერიკელი საზღვაო ქვეითის გაცვლის გარეშე გათავისუფლებას

გერმანია განიხილავს რუსეთში დრონების მწარმოებლების წინააღმდეგ კიბერშეტევების განხორციელების ნებართვის მინიჭებას

ნასვამი და ნარკოტიკული თრობის ქვეშ მყოფი მძღოლების წინააღმდეგ ბრძოლა მკაცრდება - სტრატეგია

უკანა სავარძელზე ღვედი და სკოლამდელი ბავშვებისთვის სპეცსავარძლების გამოყენება სავალდებულო გახდება