ჩვენ ვიცით როგორ გამოიყურებოდა მიხეილ სააკაშვილი დაკავების დღეს და ვნახეთ როგორ გამოიყურება ის დღეს, ანუ ვნახეთ ერთწლიანი მკურნალობის შედეგი თვალნათლივ, რომელსაც ნებისმიერი ობიექტური ადამიანი შეაფასებს, როგორც კატასტროფას,- ამის შესახებ საქართველოს მესამე პრეზიდენტის უფლებადამცველმა, შალვა ხაჭაპურიძემ განაცხადა.

მისი თქმით, ჩანს, რომ პენიტენციური სასამართლო პროცესების გაჭიანურებას ცდილობს.

„ჩვენ ვიცით ის როგორ გამოიყურებოდა დაკავების დღეს და ვნახეთ ის დღეს როგორ გამოიყურება, ანუ ვნახეთ ერთწლიანი მკურნალობის შედეგი თვალნათლივ, რომელსაც რა ვიცი, ნებისმიერი ობიექტური ადამიანი შეაფასებს, როგორც კატასტროფას. მთავარი საზრუნავი ახლა არის რამენაირად სწრაფად მოხდეს ამ პროცესების ჩანიშვნა, ვინაიდან, სააკაშვილის ჯანმრთელობის მდგომარეობა არ იცდის და მეორე მხარე, როგორც ვხედავთ, მათი მთავარი სტრატეგიაა რამენაირად გაჭიანურდეს ეს პროცესები“,- განაცხადა ხაჭაპურიძემ.

შეგახსენებთ, რომ გუშინ, თბილისის საქალაქო სასამართლოში მესამე პრეზიდენტის გათავისუფლების ან სასჯელის გადავადების შუამდგომლობის განხილვაზე პირველი სხდომა ჩატარდა. 

პროცესს კლინიკა "ვივამედიდან" მიხეილ სააკაშვილი დისტანციურ რეჟიმში ესწრებოდა, თუმცა ადვოკატის თქმით, სხდომის მიმდინარეობისას მან თავი შეუძლოდ იგრძნო და ჩართვაზე უარი განაცხადა.

ექსპრეზიდენტის გათავისუფლების ან სასჯელის გადავადების მოთხოვნით, მისმა ადვოკატმა, შალვა ხაჭაპურიძემ სასამართლოს შუამდგომლობით 1-ელ დეკემბერს მიმართა.

აღნიშნულს წინ უძღოდა წამების მსხვერპლთა ფსიქოლოგიური რეაბილიტაციის ცენტრ "ემპათიას" დასკვნა, რომლის მიხედვითაც მიხეილ სააკაშვილს 20-ზე მეტი დიაგნოზი თუ სიმპტომო-კომპლექსი აღენიშნება, აქედან წამყვანია, დაახლოებით, 10 დიაგნოზი, რაც შეუთავსებელს ხდის პატიმრობას.

თბილისის საქალაქო სასამართლოში საქართველოს მესამე პრეზიდენტის, მიხეილ სააკაშვილის სასჯელის გადავადებაზე მორიგი პროცესი 29 დეკემბერს გაიმართება.

ავტორი: ექსპრესნიუსი,

სოციალური ქსელები

ტრამპი: რუსეთი დათანხმდა დაპატიმრებული ამერიკელი საზღვაო ქვეითის გაცვლის გარეშე გათავისუფლებას

გერმანია განიხილავს რუსეთში დრონების მწარმოებლების წინააღმდეგ კიბერშეტევების განხორციელების ნებართვის მინიჭებას

ნასვამი და ნარკოტიკული თრობის ქვეშ მყოფი მძღოლების წინააღმდეგ ბრძოლა მკაცრდება - სტრატეგია

უკანა სავარძელზე ღვედი და სკოლამდელი ბავშვებისთვის სპეცსავარძლების გამოყენება სავალდებულო გახდება