მინისტრი, რომელიც აქ მოვიდა, არის სისხლის სამართლის დამნაშავე და ახლა პროკურორისა და გამოძიების კითხვებს  უნდა პასუხობდეს, - ასე მიმართა "ნაციონალური მოძრაობის" დეპუტატმა, ხატია დეკანოიძემ იუსტიციის მინისტრს, რომელსაც "მინისტრის საათის" ფორმატში უსმენენ. 

ხატია დეკანოიძის თქმით, რატი ბრეგაძეს მოუწევს წარსდგეს საქართველოს მართლმსაჯულების წინაშე და მათ შორის გახდება გამოძიების უშუალო ობიექტი სისხლის სამართლის საქმეში.  

"ახლა წარმოდგენილი მინისტრი, რომელიც აქ მოვიდა, არის სისხლის სამართლის დამნაშავე და უნდა პასუხობდეს ახლა პროკურორის და გამოძიების კითხვებს და არა იდგეს აქ და საქართველოს საზოგადოებას აყრიდეს ნაცარს. ადამიანი, რომელსაც პირდაპირ გამოცხადებული აქვს სიკვდილის ქრონიკა, აქ არ უნდა იდგეს. ბატონო რატი, მე დარწმუნებული ვარ, თქვენ წარდგებით საქართველოს მართლმსაჯულების წინაშე ძალიან მალე, და ძალიან ბევრი ის ადამიანი, მათ შორის სანქციებით, მათ შორის იქნები გამოძიების უშუალო ობიექტი სისხლის სამართლის საქმეში სააკაშვილი-რატი ბრეგაძე, ეს არის ყველაზე მნიშვნელოვანი",- თქვა ხატია დეკანოიძემ. 

შეგახსენებთ, რომ დღეს პარლამენტის პლენარულ სხდომაზე იუსტიციის მინისტრს, რატი ბრეგაძეს  „მინისტრის საათის“ ფორმატში უსმენენ. 

პროტესტის ნიშნად, ფრაქცია „ნაციონალური მოძრაობის“ დეპუტატები სხდომათა დარბაზში საქართველოს მესამე პრეზიდენტის, მიხეილ სააკაშვილის ფოტოებითა და ბანერით - „ნუ კლავთ!“ მივიდნენ. 

ავტორი: ექსპრესნიუსი,

სოციალური ქსელები

ტრამპი: რუსეთი დათანხმდა დაპატიმრებული ამერიკელი საზღვაო ქვეითის გაცვლის გარეშე გათავისუფლებას

გერმანია განიხილავს რუსეთში დრონების მწარმოებლების წინააღმდეგ კიბერშეტევების განხორციელების ნებართვის მინიჭებას

ნასვამი და ნარკოტიკული თრობის ქვეშ მყოფი მძღოლების წინააღმდეგ ბრძოლა მკაცრდება - სტრატეგია

უკანა სავარძელზე ღვედი და სკოლამდელი ბავშვებისთვის სპეცსავარძლების გამოყენება სავალდებულო გახდება