გამაოგნებელია, როდესაც რუსეთი არის აშკარა აგრესორი უკრაინის წინააღმდეგ ომში, საქართველოს მთავრობა და "ქართული ოცნება" ამას არ აღიარებს, - ამის შესახებ ამერიკის სახელმწიფო მდივნის ყოფილმა თანაშემწემ, დევიდ კრამერმა "ფორმულასთან" ინტერვიუში განაცხადა. 
 
როგორც ჯორჯ ბუშის საპრეზიდენტო ცენტრის აღმასრულებელმა დირექტორმა აღნიშნა, მმართველი პარტია აკრიტიკებს უკრაინას, ევროპასა და შეერთებულ შტატებს უფრო მეტად, ვიდრე მოსკოვს, რასაც კრამერი ბიძინა ივანიშვილის რუსეთთან ურთიერთობებს უკავშირებს. 

"ვფიქრობ, გარკვეული ზეწოლა მოდის ფაქტიდან, რომ რუსებს შეუძლია დაეხმარონ "ქართულ ოცნებას" ძალაუფლების  შენარჩუნებაში თუ ისინი ურთიერთობებს გამოასწორებენ. რუსეთს ოკუპირებული აქვთ საქართველოს 20%, რუსეთი ცდილობს ძირი გამოუთხაროს საქართველოს სუვერენიტეტსა და ტერიტორიულ მთლიანობას. გამაოგნებელია ის ფაქტი, რომ როდესაც რუსეთი არის აშკარა აგრესორი უკრაინის წინააღმდეგ ომში, საქართველოს მთავრობა და "ქართული ოცნება", როგორც ჩანს, ამას არ აღიარებს. ისინი აკრიტიკებენ უკრაინას, ევროპასა და შეერთებულ შტატებს გაცილებით უფრო მეტად, ვიდრე მოსკოვს. ვფიქრობ, ივანიშვილის იქ აქვს კავშირები და ეს შეშფოთებას იწვევს",- ამბობს კრამერი. 

ცნობისთვის, გუშინ, 29 ნოემბერს ბრიუსელში ევროპელი კონსერვატორებისა და რეფორმისტების ჯგუფი  (ECR)-ის ორგანიზებით, კონფერენცია გაიმართება, რომლის მთავარი თემა ოლიგარქია, რუსული კავშირები, ომი უკრაინაში და საქართველოს მომავალი იყო.

დისკუსიის მონაწილეებს შორის იყვნენ საქართველოში აშშ-ს ყოფილი ელჩი, იან კელი, აშშ-ს სახელმწიფო მდივნის ყოფილი თანაშემწე, დევიდ კრამერი, უკრაინის რადის უმაღლეს დეპუტატი, ოლექს გონჩარენკო, უკრაინაში ქართული ლეგიონის მეთაური, მამუკა "უშანგი" მამულაშვილი და პარიზის პოლიტიკური მეცნიერებათა ინსტიტუტის პროფესორი და პოლიტიკურ მიმომხილველი, თორნიკე გორდაძე.

ავტორი: ექსპრესნიუსი,

სოციალური ქსელები

სასამართლომ საქართველოს ყოფილი გენერალური პროკურორი, ოთარ რომანოვ-ფარცხალაძე დაუსწრებლად დაპატიმრება ძალაში დატოვა.

ფილფანი- გამოძიება უნდა დაიწყოს ირაკლი კობახიძის და ყველა იმ მაღალჩინოსანი პირის მიმართაც, რომელიც საქართველოს ადანაშაულებს

Volvo 365 – ერთი წელი ავტომობილის ფლობასთან დაკავშირებული ძირითადი ხარჯების გარეშე

სეპარატისტული რეჟიმი: თურქეთში აფხაზური პასპორტების აღიარების საკითხზე დისკუსია მიმდინარეობს