განათლების და მეცნიერების  მინისტრის ინტერპელაციის წესით პარლამენტში გამოსვლის შემდეგ, უფრაქციო პარლამენტის წევრმა, ანა ბუჩუკური   სტუდენტების სოციალურ პრობლემებსა და სტატუსშეჩერებული სტუდენტების საკითხს შეეხო.

„ყველას კარგად გვესმის, რომ გაზრდილი ფასებიდან გამომდინარე, განსაკუთრებულად მძიმე ტვირთად იქცა სტუდენტობა თავად სტუდენტებისა და მათი ოჯახებისთვის. განსაკუთრებით იმ სტუდენტებისთვის, რომლებიც თბილისში  სწავლის გასაგრძელებლად ჩამოდიან.

ეს საკითხი მე კომიტეტზეც დავსვი ფინანსთა მინისტრის მოადგილესთან, ბიუჯეტის განხილვისას. ვფიქრობ, ერთხელ და სამუდამოდ ამ უმძიმეს პრობლემას სახელმწიფომ უნდა გასცეს პასუხი. მესმის, რომ ეს არ ხდება ერთი ხელის მოსმით, ერთ კვირაში და ერთ თვეში, თუმცა, თუ არასოდეს დაიწყებს სახელმწიფო, ყოველთვის იქნება ეს პრობლემა.

ჩვენი გუნდი გავაგრძელებთ ამ საკითხზე მუშაობას და მუდმივად შეხსენებას ხელისუფლებისთვის, რომ სტუდენტების საკითხი დგას მწვავედ და ეს ახალგაზრდები ბევრს არაფერს ითხოვენ ხელისუფლებისგან. ითხოვენ ელემენტარული პირობების შექმნას, რომ მათ ფიზიკურად შეძლონ სწავლის გაგრძელება", - განაცხადა ანა ბუჩუკურმა.

ავტორი: ექსპრესნიუსი,

სოციალური ქსელები

თურქეთის პარლამენტის წევრებმა ანკარას მოუწოდეს, აღიაროს აფხაზური პასპორტები

საქართველოს ჟურნალისტური ეთიკის ქარტია - მოვუწოდებთ შსს-ს, სასწრაფოდ გამოიძიოს ჟურნალისტ კობა ფარტენაძეზე გახშირებული თავდასხმები და მისი უსაფრთხოება უზრუნველყოს

კალაძე - აგვისტოს ომთან დაკავშირებით, რა თქმა უნდა, ყველანაირი პასუხისმგებლობა ეკისრება მაშინდელ ხელისუფლებას

კახი კალაძე რუსი ბლოგერებისთვის ინტერვიუს მიცემაში პრობლემას ვერ ხედავს