ყველას ძალიან კარგად გვახსოვს, როგორ ეძახდა პერსონალურად ირაკლი ღარიბაშვილი და მთელი მისი პოლიტიკური გუნდი, ყოფილ თანაპარტიელს „კოკაინშიკს“,- ამის შესახებ პარტია „საქართელოსთვის“ წვრმა, ანა ბუჩუკურმა განაცხადა.

მისი თქმით, უხერხულია პერსონალურად ღარიბაშვილისა და მისი გუნდის მხრიდან, ვინმესთვის იმის მოწოდება, რომ შეურაცხყოფა არ შეიძლება.

„პრემიერი აქ ლექციას კითხულობდა, რომ თურმე არ შეიძლება შეურაცხყოფის მიყენება. ნამდვილად არ შეიძლება, მაგრამ ყველას ძალიან კარგად გვახსოვს, როგორ ეძახდა პერსონალურად ირაკლი ღარიბაშვილი და მთელი მისი პოლიტიკური გუნდი, ყოფილ თანაპარტიელს „კოკაინშიკს“, „მაზაკვალს“, „მოღალატეს“ ეს ყველას ძალიან კარგად გვახსობს, ამიტომ უხერხულია პერსონალურად თქვენი და თქვენი გუნდის მხრიდან, ვინმესთვის იმის მოწოდება, რომ შეურაცხყოფა არ შეიძლება - დიახ, არ შეიძლება, ბატონო ირაკლი!“,- განაცხადა ბუჩუკურმა.

ცნობისთვის, დღეს საქართველოს პარლამენტში ინტერპელაციის წესით პრემიერ-მინისტრ ირაკლი ღარიბაშვილს უსმენენ.

პრემიერ-მინისტრი ოპოზიციონერი დეპუტატების: გიორგი ვაშაძის, პაატა მანჯგალაძის, თეონა აქუბარდიას, ხათუნა სამნიძის, ტარიელ ნაკაიძის, თამარ კორძაიას, როსტომ ჩხეიძის და ნატო ჩხეიძის მიერ გაგზავნილ კითხვებს პასუხობს.

შეკითხვები საქართველოსთვის ევროკავშირის კანდიდატი ქვეყნის სტატუსის მინიჭებას და „ქართული ოცნებისა“ და „ხალხის ძალის“ დეპუტატების მიერ გაკეთებულ განცხადებებს შეეხება.

ავტორი: ექსპრესნიუსი,

სოციალური ქსელები

თურქეთის პარლამენტის წევრებმა ანკარას მოუწოდეს, აღიაროს აფხაზური პასპორტები

საქართველოს ჟურნალისტური ეთიკის ქარტია - მოვუწოდებთ შსს-ს, სასწრაფოდ გამოიძიოს ჟურნალისტ კობა ფარტენაძეზე გახშირებული თავდასხმები და მისი უსაფრთხოება უზრუნველყოს

კალაძე - აგვისტოს ომთან დაკავშირებით, რა თქმა უნდა, ყველანაირი პასუხისმგებლობა ეკისრება მაშინდელ ხელისუფლებას

კახი კალაძე რუსი ბლოგერებისთვის ინტერვიუს მიცემაში პრობლემას ვერ ხედავს