აშშ-ს წარმომადგენლობითი პალატის ხელმძღვანელმა ნენსი პელოსიმ განაცხადა, რომ იგი აღარ უხელმძღვანელებს დემოკრატიული პარტიას და ამრიგად სპიკერის თანამდებობას ტოვებს.

პელოსიმ ასეთი განცხადება მას შემდეგ გააკეთა, რაც შუალედური არჩევნების შემდეგ ცნობილი გახდა, რომ ქვედა პალატაში ადგილების უმრავლესობა რესპუბლიკელებმა მიიღეს. 

პელოსიმ თქვა, რომ დადგა დრო,  დემოკრატებს პარტია „ახალი თაობის“ წარმომადგენლებმა წარმართონ.  - „მადლობელი ვარ, რომ ამდენი ადამიანი მზად არის აიღოს ეს უზარმაზარი პასუხისმგებლობა“, - დასძინა მან. ამავდროულად, 82 წლის პელოსიმ განაცხადა, რომ აპირებს კონგრესში მუშაობის გაგრძელებას.

პელოსი 2023 წლის იანვარში ახალი კონგრესის დაწყებამდე სპიკერად იმუშავებს. 2022 წლის ნოემბერში ჩატარებული შუალედური კონგრესის არჩევნებში პელოსი სან-ფრანცისკოდან ხელახლა აირჩიეს კიდევ ერთი ვადით.

ნენსი პელოსი პირველად გახდა დემოკრატიული პარტიის ლიდერი აშშ-ს პარლამენტის ქვედა პალატაში 2003 წელს. იგი არის პირველი ქალი ისტორიაში, რომელიც ხელმძღვანელობდა საპარლამენტო ფრაქციას ორი ძირითადი ამერიკული პარტიიდან. 2007 წელს პელოსი პირველი ქალია, რომელიც პარლამენტის თავმჯდომარე გახდა. იგი პოსტს 2011 წლამდე იკავებდა, შემდეგ კი ამავე თანამდებობაზე 2019 წელს დაუბრუნდა, როდესაც დემოკრატებმა კვლავ მოიპოვეს კონგრესში ადგილების უმრავლესობა.

2022 წლის ოქტომბერში ნენსი პელოსის ქმარს თავს დაესხნენ, CNN-თან ინტერვიუში მან თქვა, რომ მომხდარმა შეიძლება გავლენა მოახდინოს მის გადაწყვეტილებაზე გააგრძელოს ან დაასრულოს პოლიტიკური კარიერის შესახებ.

ავტორი: ექსპრესნიუსი,

სოციალური ქსელები

ლაშა ფარულავა - ოცნების რეჟიმმა საქართველო რუსული და ირანული სისხლიანი ფულის კრიპტო-სამრეცხაოდ აქცია

შს სამინისტრო 2014 წელს, დუშეთის მუნიციპალიტეტში გაუჩინარებული არასრულწლოვანის, გურამ დადიანიძის საქმის გამოძიების შესახებ, ასევე გავრცელებულ ვიდეოსთან დაკავშირებით ინფორმაციას ავრცელებს

„პეტრიოტის“ მწარმოებლები შიშობენ, რომ უკრაინა გააუმჯობესებს და შეამცირებს რაკეტების ღირებულებას - მედია

გივი მიქანაძე – სასკოლო ფორმის ტარება ემსახურება თანასწორობას