„საქართველოს ბანკი“ საინტერესო და საჭირო ღონისძიებების მხარდაჭერას განაგრძობს. ამ  მიზნით, ბანკთან პარტნიორობით, მონაცემთა საერთაშორისო ფესტივალი DataFest Tbilisi, უკვე მეექვსედ, 17-19 ნოემბერს გაიმართება. ღონისძიება  ჰიბრიდულ რეჟიმში, როგორც ფიზიკურად- Rooms Hotel-ში, ასევე ონლაინ, Zoom-ის მეშვეობით ჩატარდება.

DataFest Tbilisi მონაცემთა ყველაზე დიდი ფესტივალია აღმოსავლეთ ევროპასა და ცენტრალურ აზიაში. ღონისძიება სამ დღეს გრძელდება და აერთიანებს ადამიანებს, რომელთა საქმიანობაც მონაცემებს, მონაცემთა მეცნიერებას და ვიზუალიზაციას უკავშირდება. ღონისძიება ცოდნისა და გამოცდილების გაზიარების, კონტაქტების დამყარებისა და ახალი თანამშრომლობის მოძიების შესაძლებლობას მეგობრულ გარემოში ქმნის.

ფესტივალის ფარგლებში Rooms Hotel Tbilisi-ში ხუთი თემის გარშემო ასობით სტუმარი და 40-ზე მეტი სპიკერი შეიკრიბება. მონაცემთა კონფერენციაზე სტუმრები შემდეგი მიმართულებით დაესწრებიან: მონაცემთა ანალიტიკა, მონაცემთა ჟურნალისტიკა, მონაცემთა ვიზუალიზაცია,  მონაცემთა ანალიზი და ღია მმართველობა, მონაცემთა მეცნიერება და ხელოვნური ინტელექტი.

„მოხარული ვართ, რომ ბანკის ხელშეწყობით, DataFest Tbilisi 2022, წელს უკვე მეექვსედ იმართება. ჩვენ ფესტივალთან ერთად The Glass Room Misinformation გამოფენასაც ვუმასპინძლებს. Tactical Tech-ის მიერ შექმნილი საერთაშორისო პროექტის მიზანია, აუდიტორიას აჩვენოს, როგორ ცვლის სოციალური მედია და ინტერნეტი მოვლენების აღქმასა და მათზე რეაქციას. ასევე, ღონისძიების ფარგლებში წარმოდგენილი იქნება სტარტაპერების ექსპო, რომელზეც  ანტერპრენერებისა და სტარტაპების დამფუძნებლებისთვის გაიმართება  პანელური დისკუსიები,  საუბრები სტარტაპის შექმნისა და დაფინანსების მოძიების შესახებ“, - განაცხადა DataFest Tbilisi-ის დამფუძნებელმა, ნინო მაჭარაშვილმა.

„მოხარული ვართ, რომ გვეძლევა შესაძლებლობა მხარი დავუჭიროთ აღმოსავლეთ ევროპის და ცენტრალური აზიის ყველაზე პრესტიჟულ მონაცემთა ფესტივალს. DataFest Tbilisi 2022 კარგი შესაძლებლობაა მონაცემებით დაინტერესებული ადამიანებისთვის, გაიცნონ სფეროს წამყვანი პროფესიონალები, დაამყარონ მნიშვნელოვანი კავშირები და მოისმინონ საინტერესო და ინსპირაციული გამოსვლები. „საქართველოს ბანკი“ აქტიურად აგრძელებს მსგავსი პროექტების მხარდაჭერას. ჩვენთვის მთავარია, რაც შეიძლება მეტმა ადამიანმა შეძლოს საკუთარი პოტენციალის უკეთ დანახვა და ათვისება“, - განაცხადა „საქართველოს ბანკის“ მონაცემთა კვლევითი ლაბორატორიის ხელმძღვანელმა, ირაკლი გოგატიშვილმა.

ავტორი: R (რეკლამა),

სოციალური ქსელები

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა