გვინდა გავხდეთ ევროპული ოჯახის სრულფასოვანი წევრი და ასევე ნატო-ს წევრი, ჩვენ ამას ქმედებით დავამტკიცებთ,- ამის შესახებ ირაკლი ღარიბაშვილმა უნგრეთის პრემიერთან, ვიქტორ ორბანთან ერთად გამართულ პრესკონფერენციაზე განაცხადა.

საქართველოს პრემიერ-მინისტრის თქმით, ქვეყანა ევროკავშირის მიერ გაწერილ 12 რეკომენდაციაზე მუშაობს, სადაც მმართველმა პარტიამ "კარი გაუღო ყველა აქტორს, მათ შორის  არასამთავრობო სექტორსა და ოპოზიციურ პარტიებს". 

"ძლიერად ვაფასებთ, ბატონო პრემიერო, თქვენს მხარდაჭერას. თქვენ ყოველთვის იყავით და ხართ ძლიერი და ხმამაღალი მხარდამჭერი საქართველოს ევროპული მისწრაფებების და თქვენი გზავნილები ყოველთვის მნიშვნელოვანია ჩვენთვის. 

ჩვენ გვინდა გავხდეთ ევროპული ოჯახის სრულფასოვანი წევრი და ასევე ნატო-ს წევრი. ჩვენ ამას ჩვენი ქმედებით დავამტკიცებთ, რომ გვსურს ჩვენ კონტრიბუცია შევიტანოთ ამ დიდ ოჯახში. ჩვენ დიდი მსხვერპლი გავიღეთ ნატო-ს მისიებში - ერაყში, ავღანეთში და ჩვენ ამას, რა თქმა უნდა, გავაგრძელებთ. 

ახლა ვმუშაობთ იმ 12 რეკომენდაციაზე, რომელიც იქნა განსაზღვრული ევროკომისიის მიერ. ჩვენ კარი გავუღეთ ყველა აქტორს, იქნებოდა ეს არასამთავრობო სექტორი თუ ოპოზიციური პარტიები, რომ მათაც მიღონ მონაწილეობა ამ პროცესში. ჩვენ, ჩვენი მხრივ, მაქსიმუმს ვაკეთებთ. 

ჩვენ ვაკეთებთ მაქსიმუმს, რომ ჩვენი ქვეყნები დავიცვათ და ჩვენი ხალხის ინტერესები დავიცვათ ამ ცუდ დროს.ომი უკრაინაში არის მიუღებელი და ჩვენი სურვილია,რომ მალე დასრულდეს",- განაცხადა ღარიბაშვილმა. 

შეგახსენებთ, რომ ირაკლი ღარიბაშვილის ვიზიტი დედაქალაქ ბუდაპეშტში გუშინ, 26 ოქტომბერს დაიწყო.

ავტორი: ექსპრესნიუსი,

სოციალური ქსელები

ტრამპმა თანაშემწეებს განუცხადა, რომ მზად იყო ირანთან ომი ბირთვული შეთანხმების გარეშე დაესრულებინა

პენტაგონმა მოითხოვა, რომ ამერიკულმა სამხედრო-სამრეწველო კომპლექსმა დააჩქაროს იარაღის წარმოება

აშშ-მ თურქეთს უკრაინისთვის 12 HIMARS-ის 2500 ჭურვით და 70 ATACMS-ის კასეტური საბრძოლო მასალის მიყიდვის ნებართვა მისცა

გიგაზე თავდასხმამდე კონსულტაცია გაიარა... - რა დეტალებს ასაჯაროებს მოკლული მასწავლებლის დედა