უკრაინის პრეზიდენტსა და ბრიტანეთის ახლად დანიშნულ პრემიერს შორის პირველი სატელეფონო საუბარი შედგა. აღნიშნულ ინფორმაციას დაუნინგ სტრიტის პრესმდივანი ადასტურებს. 

როგორც განცხადებაშია აღნიშნული, სატელეფონო საუბარში რიში სუნაკმა დაარწმუნა ვოლოდიმირ ზელენსკი, რომ ბრიტანეთის მხარდაჭერა უკრაინისადმი უცვლელი იქნება და მას შეუძლია უცვლელი სოლიდარობის იმედი ჰქონდეს.

საუბრის თემებს შორის იყო ატომური ენერგიის საერთაშორისო სააგენტოს მუშაობა უკრაინაში ბირთვული უსაფრთხოების უზრუნველსაყოფად და მუდმივი ზეწოლა „პუტინის ბარბაროსულ რეჟიმზე ეკონომიკური სანქციების გაგრძელების გზით“.

პრემიერ-მინისტრად დანიშვნის მილოცვის საპასუხოდ, რიში სუნაკმა ზელენსკისთან იმედი გამოქვა, რომ ერთმანეთს „პირადად მალე შეხვდებიან“.

შეგახსენებთ, რომ 25 ოქტომბერს, ბრიტანეთის მეფე ჩარლზ III-მ ყოფილ ფინანსთა მინისტრს რიში  სუნაკს მთავრობის შექმნა სთხოვა.

სუნაკი პოლიტიკაში 2015 წლიდან აქტიურად არის ჩართული და პრემიერ-მინისტრად დანიშვნამდე მან მოახერხა ეკოლოგიის პარლამენტის კომიტეტში და საბინაო და ფინანსთა სამინისტროში მუშაობა.

ავტორი: ექსპრესნიუსი,

სოციალური ქსელები

სკოლებში ქიმიის სწავლება მე-7 კლასიდან დაიწყება, გაიყოფა ქართული ენისა და ლიტერატურის საგანი

ერდოღანი და ტრამპი უკრაინასთან დაკავშირებით თურქეთის ინიციატივებს განიხილავენ

მთავრობამ კვების ობიექტებისთვის პლასტმასის ერთჯერადი კონტეინერებისა და ჭიქებით სურსათის მიწოდების აკრძალვის ამოქმედება გადაავადა

ანაკლიის პორტს სახელმწიფო ააშენებს - მთავრობამ პროექტის მოდელი შეცვალა