"ქართულ ოცნებას", ოლიგარქიას, ბიძინა ივანიშვილს უნდათ, რომ პრეზიდენტი იყოს ხის ცხენი, როცა დასჭირდებათ შეაგორონ და როცა დასჭირდებათ გამოაგორონ უკან, - ასე ეხმაურება „სტრატეგია აღმაშენებლის“ დეპუტატი, პაატა მანჯგალაძე პრეზიდენტის ადმინისტრაციის განცხადებას, რომლის მიხედვითაც, სალომე ზურაბიშვილი საქართველოში აზერბაიჯანის პრეზიდენტის ვიზიტის შესახებ ინფორმირებული არ იყო.

როგორც მანჯგალაძემ ჟურნალისტებს განუცხადა, ოლიგარქიული მმართველობის პირობებში, პრეზიდენტის ინსტიტუტს მნიშვნელობა აქვს დაკარგული.

„საქართველოში, სამწუხაროდ, გაფორმებულია არაფორმალური მმართველობა, ოლიგარქიული მმართველობა და მათ მიერ არჩეულ სახელმწიფო მეთაურსაც - პრეზიდენტსაც არანაირი მნიშვნელობა არ აქვს მათთვის. მათ უნდათ პრეზიდენტი და ნებისმიერი ინსტიტუტი იყოს სუსტი, არ იყოს ძლიერი ინსტიტუტი - ეს ოლიგარქიისთვის დამახასიათებელია.

აი, "ქართულ ოცნებას" ნამდვილად, ოლიგარქიას, ბიძინა ივანიშვილს უნდათ, რომ პრეზიდენტი იყოს ხის ცხენი, როცა დასჭირდებათ შეაგორონ და როცა დასჭირდებათ გამოაგორონ უკან", - ამბობს მანჯგალაძე.

შეგახსენებთ, რომ აზერბაიჯანის პრეზიდენტი, ილჰამ ალიევი საქართველოს ვიზიტით გუშინ, 24 ოქტომბერს ეწვია. ალიევმა შეხვედრა პრემიერ-მინისტრ ირაკლი ღარიბაშვილთან გამართა.

მოგვიანებით, საქართველოს პრეზიდენტის ადმინისტრაციამ გაავრცელა ინფორმაცია, რომ სალომე ზურაბიშვილი აღნიშნული ვიზიტის შესახებ ინფორმირებული არ ყოფილა, შესაბამისად, ორი ქვეყნის პრეზიდენტებს შორის არც აუდიენცია შემდგარა.

ავტორი: ექსპრესნიუსი,

სოციალური ქსელები

ტრამპმა თანაშემწეებს განუცხადა, რომ მზად იყო ირანთან ომი ბირთვული შეთანხმების გარეშე დაესრულებინა

პენტაგონმა მოითხოვა, რომ ამერიკულმა სამხედრო-სამრეწველო კომპლექსმა დააჩქაროს იარაღის წარმოება

აშშ-მ თურქეთს უკრაინისთვის 12 HIMARS-ის 2500 ჭურვით და 70 ATACMS-ის კასეტური საბრძოლო მასალის მიყიდვის ნებართვა მისცა

გიგაზე თავდასხმამდე კონსულტაცია გაიარა... - რა დეტალებს ასაჯაროებს მოკლული მასწავლებლის დედა