2022-10-25 13:21:33, 915 ნახვა

---

წითლიძე - ომბუდსმენობის კანდიდატს ვუსმენთ, „ოცნებამ“ მეილზე მიიღო კითხვები - მათიკაშვილმა რაც იკითხა ვიცოდი, ღუდუშაურის კითხვაც ვიცი

პარლამენტში ომბუდსმენობის კანდიდატების მოსმენა მიმდინარეობს. 

ადამიანის უფლებათა დაცვისა და სამოქალაქო ინტეგრაციის კომიტეტის სხდომაზე სახალხო დამცველობის კანდიდატებს კითხვებს როგორც მმართველი პოლიტიკური გუნდის, ისე ოპოზიციის წარმომადგენლები უსვამენ.

დეპუტატი "ერთიანი ნაციონალური მოძრაობიდან" ანი წითლიძე სოციალურ ქსელში წერს, რომ "ქართული ოცნების" წარმომადგენლები კანდიდატ ანა აბაშიძეს ელექტრონულ ფოსტაზე ვორდის ფაილით გამოგზავნილი შეკითხვებით მიმართავენ.

"სახალხო დამცველის კანდიდატების მოსმენა არის. ანა აბაშიძეს ვუსმენთ. "ქართული ოცნების" დეპუტატები მიზიან წინ. მეილზე, ვორდის ფაილით მიიღეს კითხვები. მათიკაშვილმა რაც დასვა წინასწარ ვიცოდი. ალუდა რას იკითხავს, ეგეც ვიცი - ფრჩხილებში რომ უწერია", - წერს ანი წითლიძე და სოციალურ ქსელში ფოტოს აქვეყნებს.

ცნობისთვის, დღეს საკანონმდებლო ორგანოში, ანა აბაშიძის გარდა, კიდევ რამდენიმე კანდიდატის მოსმენა გაიმართება.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი