დეგნანი ФСБ-ს ბრალდებებზე - რუსულ მედიაში გავრცელებული ინფორმაციის გარეშეც ბევრი სპეკულაციაა

2022-10-13 12:41:46, 893 ნახვა

პოლიტიკა

რუსულ მედიაში გავრცელებული ინფორმაციის გარეშეც ბევრი სპეკულაციაა,- ასე გამოეხმაურა საქართველოში აშშ-ის ელჩი კელი დეგნანი რუსეთის ФСБ-ს ბრალდებას, რომ ყირიმის ხიდზე აფეთქებაში ქართველებიც მონაწილეობდნენ.

მისი თქმით, აშშ-ი საქართველოს საბაჟოსთან, სასაზღვრო პოლიციასთან და სანაპირო დაცვასთან ათწლეულებია მუშაობს, რათა დაიცვან საკუთარი საზღვრები და შეაჩერონ აგრესია.

„რუსულ მედიაში გავრცელებული ინფორმაციის გარეშეც ბევრი სპეკულაციაა, თუმცა ზუსტი ინფორმაცია ამასთან დაკავშირებით, რა თქმა უნდა, არავის აქვს. ჩვენ ვმუშაობთ საქართველოს საბაჟოსთან, საქართველოს პოლიციასთან და სანაპირო დაცვასთან უკვე ათწლეულებია და უზრუნველვყოფთ მათ ყველანაირი შესაძლებლობით, აღჭურვილობით, სწავლებებით და ტრენინგით, რომ დაიცვან საკუთარი საზღვრები, შეაჩერონ აგრესია და ამ თანამშრომლობას გავაგრძელებთ“,- განაცხადა დეგნანმა.

შეგახსენებთ, რომ ყირიმის ხიდზე აფეთქება 8 ოქტომბერს მოხდა, რომელშიც რუსეთის ФСБ-ს ბრალდებით ქართველებიც მონაწილეობდნენ.

რუსეთის უშიშროების ფედერალური სამსახურის ცნობით, რუსეთმა ყირიმის ხიდზე აფეთქების გამო, 8 ადამიანი დააკავა. მათ შორის 5 რუსი, 3 კი უკრაინისა და სომხეთის მოქალაქეა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,