2022-09-29 10:36:53, 1249 ნახვა

---

მობილიზაციისთვის თავის ასარიდებლად, ოკუპირებული ცხინვალი მოქალაქეებს დე ფაქტო პასპორტების გამოყენებისკენ მოუწოდებს

სამხრეთ ოსეთის რესპუბლიკის თავდაცვის სამინისტრო რეკომენდაციას აძლევს დეპარტამენტის სამხედრო პერსონალს და სამოქალაქო პერსონალს, "საზღვრის კვეთისას" სამხრეთ ოსეთის რესპუბლიკის მოქალაქის პასპორტი გამოიყენონ,- აღნიშნულის შესახებ ინფორმაციას ე.წ სამინიტრო ავრცელებს.

მათი თქმით, მოქალაქეებმა თან უნდა იქონიონ მოსამსახურის პირადობის მოწმობა, სამხედრო პირადობის მოწმობა და ცნობა სამუშაო ადგილიდან.

„სამხრეთ ოსეთის რესპუბლიკის თავდაცვის სამინისტრო რეკომენდაციას აძლევს დეპარტამენტის სამხედრო პერსონალს და სამოქალაქო პერსონალს სამხრეთ ოსეთის რესპუბლიკის სახელმწიფო საზღვარი რუსეთის ფედერაციასთან გადაკვეთონ სამხრეთ ოსეთის რესპუბლიკის მოქალაქის პასპორტით. მათ შორის, თან გქონდეთ სამხედრო მოსამსახურის პირადობის მოწმობა, სამხედრო პირადობის მოწმობა და ცნობა სამუშაო ადგილიდან“, - წერს ე.წ. სამინისტრო.

აღსანიშნავია, რომ ე.წ-მა თავდაცვის სამინისტრომ ეს განცხადება მას შემდეგ გაავრცელა, რაც ცნობილი გახდა, რომ ზემო როკის ე.წ. გამშვებ პუნქტზე ცხინვალში დაბრუნების მსურველ ადგილობრივ მოქალაქეებს, რუსეთის წარმომადგენლებმა სამხედრო-სამობილიზაციო უწყებები გადასცეს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი